La. Tomokuo Japanese & Western Cuisine (已結業)

喱间位于观塘工厦区嘅西餐厅，主打日式+西式嘅fusion料理，听起黎感觉已经几新鲜。秘制招牌鸡翼+香脆芝心牛肉波:鸡翼烤到个外皮好香，咬落去啲鸡肉仲系好嫩好juicy，香料味好重，配埋个辣汁，唔错㖞。牛肉波嘅芝士味唔算好重，不过牛肉味就几浓，加上入口香脆，喱两样作为餐前小食真系几开胃。葱烧鸡卷配照烧汁:外皮煎到微焦，所以会带点甘香嘅味道。照烧汁香甜惹味，加上芝麻嘅点聚，整体调味出色。烧美国肉眼配黑椒汁:肉眼扒叫左medium，烹调嘅火喉掌控得几好，入口依然保持住好juicy，好鲜嫩嘅肉感。牛味浓郁，整体水准几高。旁边伴碟嘅蔬菜吸收哂牛油同汁液嘅精华，味道好好。