K-Net Square (已搬遷) 新店位置

最近做训练员做到好忙…周围行行到太子！咁啱见到有间k square , 之前试过旺角𠮶间都觉得OK！咁我哋就决定试一试都行到攰啦！入到餐厅见到佢嘅装修都系酒吧格局，好适合happy hour 饮杯野！行到饿都要食下野医下肚才是重点！睇睇menu , 有二人晚餐！哈哈 拣几样野就OK, 唔洗谂咁多！头盘有沙律同鹅肝拣，最后拣左香煎鹅肝多士！鹅肝系厚切嘅，拎出黎嘅时候都几香！切落去嘅时候必唒油出黎，好香，d油渗入多士，好夹，唔会觉得好油腻，刚好！主菜拣两样，咁我地拣左千层面同烤鸡！首先讲吓个焗芝士肉酱千层面，焗肉酱果然系有保证，芝士份量够，肉酱布满每一层面嘅中间，足料！蕃茄味够，咸味适中，OK 之选！然后再讲下个烤美国香草鸡，香草味劲香！烤得唔错，皮脆肉嫩，切开仲有汁漏出黎，一d都唔干！都要讲下d配菜，薯蓉牛油浓，真系唔错！烧茄子同翠肉瓜都烧得好香！咁岩𠮶日有live music, 有位女孩子喺度唱歌，仲可以点下歌!一路听歌一路苹果汽酒！杯酒有少少whiskey + apple cider ! 苹果味比平时嘅Apple cider 浓！最后，食埋甜品，芝麻雪糕，正呀！圆满！