BKK

意外發現PMQ入面有間好有feel既泰國菜，環境舒適，聚會約會都啱，價錢係中環黎講都正常，味道又唔錯，真係一間會介紹比人既餐廳！平日夜晚幾乎滿座，如果星期六日黎最好都book左位先👀由於太好坐，我坐到幾乎關門先走😂😂食物方面印象最深刻都係虎蝦金邊粉同馬沙文牛肋肉咖哩。金邊粉超級好食好香，虎蝦好彈牙！牛肋肉咖哩椰香味好濃好入味，撈飯一流！👍👍👍另外仲叫左炭燒和牛串，炭燒既焦香配上惹味既東北酸辣汁，都好開胃。呢度既香辣炒通菜都真係好辣下，要留意🤣鍾意食辣應該就食得幾爽