美味故事 (已結業)

餐厅环境舒适阔落好坐，位于楼上比较静， 简单木系枱櫈， 又有个mon播最新嘅广东歌， 成个用餐感觉好舒服好chill,适合同朋友／拍拖嚟慢慢食野倾下计另外食物价钱好亲民，比出面cafe平，嗌埋甜品每人都系一百蚊多啲，南瓜汤好味， 沙律正常水准， 食物及甜品质素唔错， 最令我惊喜系杯唔洗加钱嘅橙味水果茶， 第一啖饮落系好香好清新嘅橙味，令我一度有错觉以为饮紧橙汁， 跟住就有茶味慢慢浸入喉咙， 无expect过唔洗加钱嘅餐饮都咁有惊喜咁有质素， 好饮过出面啲水果茶。店员有礼貌， 有机会出开旺角会再帮衬支持💪