元気寿司 (已結業)

lunch hour忽然口痕好想食寿司，所以就去左皇室堡地库呢间隐蔽的元气食个set lunch：P12:30去到竟然仲有好多位，很好呀等都唔驶等，即时可以入座～～～呢个就系set lunch A，已经系最豪华的一个，有寿司、冷乌冬、炖蛋、刺身、汤／汽水～未计加一＄78，都算系抵既。冷乌冬方面，个人就唔系太钟意喇，佢系有D葱同姜蓉系上面的，感觉上姜同冷乌冬的味道唔系好夹，加上成个乌冬的味道都好淡。而炖蛋都几好食既，味道岩岩好，而且D蛋真系好滑呀！特别钟意佢的菇，好好食，好有鲜味！寿司总共有七旧，除左下面一排果三旧，其他都好好食，特别系火灸三文鱼寿司，真系有D smokey的味道！下面果排果三旧，如果我冇估错应该系牛黎既，食上去牛肉有D un，加上D葱亦唔系好香，太生喇，所以食落有少少辣添！刺身方面... 我谂应该系有最大的改善空间！虽然就只有四件刺身：三文鱼同玻璃虾，但系望落去都知道三文鱼实在太瘦喇！如果肥D一定会好味好多！呢加的感觉唔够香餐饮方面，我加左钱转要蜜桃乳酸不过饮落味道好假，亦饮唔出蜜桃味，＋＄8 未计加一，感觉唔太值！