Simplylife Bakery Cafe (已結業)

好耐冇早起身食喇！放假醒左唔洗翻工，心情自然好🌞难得冇落雨当然要出街”wan yea sic”一解我肚里面既空虚感。起身时又未够钟食lunch，如果去食早餐又好赶，冇耐又要食lunch/tea，结果又晏食晚饭;食完即训又肥，于是我就去左simplylife食brunch😎十一点头左右，未有好多人，好多街坊踢拖落黎食，非常悠闲。头盘：磨菇汤配面包暖暖既汤一入口有清新既感觉，绝对有惊喜。当初仲好担心佢会系果d罐头西汤结达达感，结果喜出望外地入口后顺𣈱得直达胃部。面包外脆内软，因为我中意食法包，所以就感食都觉得非常合胃口。唯独包与汤冇违和感，各有风味。主菜：芝士烟肉牛肉汉堡首先个包有烘过，所以食落暖暖地同时亦脆口d，略嫌有少许㶶边，影响左口感。芝士眼见熔左，即刻忍唔住咬一啖先。牛肉好juicy，seasoning非常出味，啖啖肉。唯独我对烟肉有d失望，基本上煎下个烟肉就实冇失手，可惜好似冇乜煎过感，软身冇口感，有d遗憾。整体作为brunch黎讲唔错既，份量够晒，仲有我中意既薯皇style既薯条，对于我黎讲绝对系称心满意既早上😋