影片
更多
2019-10-11
89 浏览
De België #中环 #sohoSoho真系有好多呢啲酒吧类型嘅餐厅，今次呢一间除咗有酒饮之外，仲有好多唔同嘅熟食，味道仲几好添！餐厅嘅格局仲几舒服，门前就专俾人饮酒，门口就会有多少少梳化位，俾你舒舒服服咁坐喺度食返餐晚餐，仲有部好大嘅电视俾你睇比赛。而且店员仲会悉心咁介绍啲嘢食同埋嘢饮俾你，服务态度好好。Fresh Herb Roasted Chicken $238French Spring Onion, Confit Fine Tomatoes, Pommery Mustard Sauce, Roasted Vegetables呢只烧春鸡嘅份量先比我想像中细只，但系味道的确好好！佢个酱料甜甜地咁，仲好特别咁加咗少少类似辣椒粉或者七味唐辛子粉嘅嘢，所以味道都几丰富。连佢啲配菜都系悉心调味过，无论系薯仔定茄子定洋葱汁煮都好入味，绝对唔马虎。肉质方面，成只春鸡都系偏瘦，难以避免鸡髀一定滑过鸡胸。不过留意呢味菜就要等成30分钟先有。Mussels (300g) with Frites and your choice of draught beer$138呢度令一大特色就系有青口食！仲
Soho真系有好多呢啲酒吧类型嘅餐厅，今次呢一间除咗有酒饮之外，仲有好多唔同嘅熟食，味道仲几好添！
餐厅嘅格局仲几舒服，门前就专俾人饮酒，门口就会有多少少梳化位，俾你舒舒服服咁坐喺度食返餐晚餐，仲有部好大嘅电视俾你睇比赛。而且店员仲会悉心咁介绍啲嘢食同埋嘢饮俾你，服务态度好好。
Fresh Herb Roasted Chicken $238
French Spring Onion, Confit Fine Tomatoes, Pommery Mustard Sauce, Roasted Vegetables
呢只烧春鸡嘅份量先比我想像中细只，但系味道的确好好！佢个酱料甜甜地咁，仲好特别咁加咗少少类似辣椒粉或者七味唐辛子粉嘅嘢，所以味道都几丰富。连佢啲配菜都系悉心调味过，无论系薯仔定茄子定洋葱汁煮都好入味，绝对唔马虎。肉质方面，成只春鸡都系偏瘦，难以避免鸡髀一定滑过鸡胸。不过留意呢味菜就要等成30分钟先有。
Mussels (300g) with Frites and your choice of draught beer$138
呢度令一大特色就系有青口食！仲有唔同嘅份量可以拣! 今次呢一款百几蚊就有300g，仲要配埋杯比利时手工啤酒(330ml)同金黄香脆嘅手工制薯条，其实真心几抵食！
青口仲可以拣唔同味，分别有以下呢三种:
De Belgie: cream, garlic, onion, white wine 忌廉为主
Provencale: fresh basil, onion, garlic, tomato
蕃茄为主
Mariniere: garlic, missed vegetables, white wine, onion
白酒为主
今次我哋就拣咗白酒，本身以为会比较清淡，点知连白酒都好香浓，佢入面仲加咗好多香料同埋洋葱，甜甜地咁配青口食一流！不过佢啲青口就比较细只，啲肉真系得手指甲咁大，食一啖就冇，只可以为香港真系好难食到又肥美又好味嘅青口。
不得不提佢嘅手工制薯条真系超好味！本身薯条已经炸得好香脆，配埋佢哋嘅sour cream一齐食真系好好味，就连我平时戒左唔食煎炸野都好钟意食呢个薯条。
啤酒方面我就唔系好识饮，店员介绍咗Ipa and Hoppy但我个朋友话呢只啤酒味道都几独特，甜甜地咁好易入口。
另外如果唔钟意饮酒嘅话就可以以$238食500g青口。又或者几个friend你净系想食青口嘅话，仲可以以$488享用1 公斤嘅青口，同样地都会配埋佢地嘅手工制薯条，再加上一大支比利时手工啤酒！
Fresh Herb Roasted Chicken
$238
20 浏览
0 赞好
0 留言
Mussels (300g) with Frites and your choice of draught beer
$138
13 浏览
0 赞好
0 留言
Ipa and Hoppy
15 浏览
0 赞好
0 留言
张贴
