影片
更多
2024-05-20
73 浏览
仲记得早年迪士尼出过一套戏CoCo「玩转极乐园」, 虽然至今都有差不多十年但无忘记当中嘅感人情节，故事背景就系来自于墨西哥。点解会突然讲起呢套戏？话说今晚去咗尖沙咀天文台道这家墨西哥酒吧餐厅，一打开本menu，里面嘅墨西哥图案画风正正勾起了当中的回忆。酒吧餐厅有露天亦有室内座位，悉随尊便，楼底够高，整体不局促，朋友聚聚饮返杯感觉很舒服。［墨西哥牛肉玉米饼沙律］玉米饼炸到成个碗咁放入沙律，当中沙律菜有蕃茄仔外，亦有牛油果更有红石榴粒，同平时食开嘅港式沙律好有分别，口感几新鲜，牛肉碎较为干身，可以先将玉米饼搣一嚿出来，然后放入牛肉碎及沙律菜，再沾些调较过嘅酱汁，甜甜酸酸放入口中品尝几个层次。〔铁板烧牛肉]由于系铁板，侍应端来的时候就烟气腾腾好有气势，带来一份视觉冲击，随伴有墨西哥饼，另外有三款酱汁（分别系莎莎酱、乳酪、牛油果酱），可以逐一试下口味，个人觉得牛油果酱唔错，因为好少见，甜甜地感觉几新鲜得意。铁板牛肉嫩滑，食落冇根冇渣，仲有蕃茄同青椒，健康配搭。之前冇做功课，所以唔知卷饼内包咗啲咩食材，除有猪肉碎外，原来仲有炒过嘅米饭、芝士、蔬菜等，墨西哥卷饼外皮几香口，馅料丰富，可以点莎莎酱甜
酒吧餐厅有露天亦有室内座位，悉随尊便，楼底够高，整体不局促，朋友聚聚饮返杯感觉很舒服。
［墨西哥牛肉玉米饼沙律］
玉米饼炸到成个碗咁放入沙律，当中沙律菜有蕃茄仔外，亦有牛油果更有红石榴粒，同平时食开嘅港式沙律好有分别，口感几新鲜，牛肉碎较为干身，可以先将玉米饼搣一嚿出来，然后放入牛肉碎及沙律菜，再沾些调较过嘅酱汁，甜甜酸酸放入口中品尝几个层次。
〔铁板烧牛肉]
由于系铁板，侍应端来的时候就烟气腾腾好有气势，带来一份视觉冲击，随伴有墨西哥饼，另外有三款酱汁（分别系莎莎酱、乳酪、牛油果酱），可以逐一试下口味，个人觉得牛油果酱唔错，因为好少见，甜甜地感觉几新鲜得意。铁板牛肉嫩滑，食落冇根冇渣，仲有蕃茄同青椒，健康配搭。
[烤猪肉墨西哥卷饼]
之前冇做功课，所以唔知卷饼内包咗啲咩食材，除有猪肉碎外，原来仲有炒过嘅米饭、芝士、蔬菜等，墨西哥卷饼外皮几香口，馅料丰富，可以点莎莎酱甜甜酸酸，份量都几大，若果一个人未必食得晒咁。
墨西哥菜式有其独特性，朋友话如果加入香港口味可能会更好，不过我又觉得唔需要，因为保持「原汁原味」，先可以真正体验到当地国家嘅文化特色。整体餐厅气氛舒服，虽然餐厅冇播放「玩转极乐园」主题「remember me」，不过食过呢餐之后我会记住呢间餐厅「remember you」！
张贴
