影片
更多
2011-10-07
1153 浏览
有机会黎到Le Jardin de Joël Robuchon享用高级西餐，深感十分荣幸！大家可能会觉得好奇怪，点解同一个地址会有三间唔同o既Robuchon餐厅架呢？！ＸＯ未去哂三间名字相近o既餐厅之前，一路都以为佢地Ｄ餐牌系互通o既，点知原来三间所提供o既食物都好唔同，就算有相同，价钱同份量都绝对唔一样，等小弟简略地讲解一下：Le Salon De Thé de Joël Robuchon （"Le Salon De Thé" 可解作「茶室」）系一间咖啡／茶室，主要食物系西饼，三文治，玫瑰形雪糕，等等。负责店内西饼o既系日藉o既中村师傅。L'Atelier de Joël Robuchon （"L'Atelier" 可解作「工作坊」）系一个围绕住开放式厨房o既吧枱形餐厅，有多款tapas式小碟，客人可以一边进膳，一边欣赏厨师们o既厨艺表演，气氛轻松。Le Jardin de Joël Robuchon（"Le Jardin" 可解作「花园／果园」） 系名副其实o既Fine Dining，由环境，服务，到食物，由外表到内在，所有野o既要求都比较严格同讲究，当然价钱亦不例外啦。Robu
Le Salon De Thé de Joël Robuchon （"Le Salon De Thé" 可解作「茶室」）系一间咖啡／茶室，主要食物系西饼，三文治，玫瑰形雪糕，等等。负责店内西饼o既系日藉o既中村师傅。
L'Atelier de Joël Robuchon （"L'Atelier" 可解作「工作坊」）系一个围绕住开放式厨房o既吧枱形餐厅，有多款tapas式小碟，客人可以一边进膳，一边欣赏厨师们o既厨艺表演，气氛轻松。
Le Jardin de Joël Robuchon（"Le Jardin" 可解作「花园／果园」） 系名副其实o既Fine Dining，由环境，服务，到食物，由外表到内在，所有野o既要求都比较严格同讲究，当然价钱亦不例外啦。
Robuchon餐厅o既装修多以红黑为主，听讲系大厨御用设计师o既signature 颜色。Le Jardin地方同座位比出面阔落，灯光柔和，空气好够流通；身材「健硕」o既爸爸重大赞Ｄ皮櫈够大又舒服（据说是真皮也）！
当晚一行十人，因为爸爸同ＸＯ o既声线比较响亮，所以特别安排左间房等我地唔洗咁失礼，大家又唔洗咁拘谨。衣著整齐，态度温文儒雅o既服务生们非常细心，一入门口就帮客人续一挂起大褛，加櫈摆放女士们o既手袋同战利品。落单时，经理亲自推介美食，更预备好几份以不同招牌菜式组合而成o既餐单比大家参考及选择。见我一边抄写笔记，哥哥重慢慢详述每道菜式o既结构同烹调放法，感激感激！
L’AMUSE BOUCHE （开胃小点）- Pumpkin Custard with Bacon Foam and Bread Stick：底层系滑滑o既南瓜custard，面层系好有分子料理feel o既烟肉味泡沫。用杯顶上脆脆o既面包条，点入面头o既咸味泡泡，加埋有粒粒南瓜o既甜custard，无论系口感或味道都好有层次，成功地一边娱乐ＸＯ同其他男士们o既味蕾，一边令主妇们敬佩厨师o既厨功同心思！
LE CAVIAR OSCIÈTRE（Osciètre鱼子酱） - Caviar Box：招牌菜之一o既鱼子酱盒连个卖相都独特过人，完全冇令客人失望！大家请留意下图，餐厅为依道菜专登订造印有大厨Robuchon先生名字o既盒架，真系high！颜色抢眼o既碟同碟上o既匙羮仔都好别致，特显出鱼子酱o既高贵气质。盒内原来有四层：最底系鲜甜o既阿拉斯加蟹肉，中间夹住龙虾啫喱 + Fennel Puree（茴香蓉），面层再舖上鱼子酱。小弟食鱼子酱机会唔多，喺自助餐食过o既鱼子酱都系跟面包食。今次师傅特制o既宝盒用不同层次去中和鱼子酱o既咸味，亦同时带出蟹肉o既鲜甜味，又产生不同o既口感，真系好出色，不得不拍手叫绝，不愧为Robuchon大师o既代表作啊！
LE BROCOLI（西兰花）- Broccoli cream soup flavoured with nutmeg and bacon：唔系菜「粉丝」o既ＸＯ仔只系试左一口，OK啦。唯一感想系依招用烟肉黎帮西兰花忌廉汤黎调味，就好似我地中国人用金华火腿煲汤咁。
LA LANGOUSTINE（小龙虾）- Scampi raviolis with black truffle and foie gras sauce：又香又甜o既意大利馄饨好足料，皮够薄，小龙虾馅劲爽，最重要系唔会食到成口面粉；黑松露拌鹅肝汁o既味道香浓得黎好够lite，真系好精彩！
LES SPAGHETTI（意大利粉）- Spaghetti with a poached egg and sea urchins：人气食品之一，所有材料更系「卖飞佛」，爸爸话好似为小弟度身订造咁！如图所示，海胆份量绝不吝啬，味道十分鲜甜；半生熟o既流心温泉蛋亦香滑非常。ＸＯ听从建议全部搞匀黎食，真系唔会太creamy，成碟食完一Ｄ都唔觉滞，重可以连碟上剩余o既汁液都捞埋，ummm...认真一流！
LE BLACK COD （银雪鱼）- Cod fish fillet marinated in sake and mirin with miso sauce：虽然鱼油充足，肉质又够甜嫩，不过比起其他菜式，依味喺日本餐厅经常食倒o既银雪鱼就好似平凡左少少；唔系话佢水准唔够，只系觉得欠缺左一份「哗！」啰。
LA CAILLE（鹌鹑）- Free-range quail and foie gras, served with mashed potato：师傅张鹅肝放入鹌鹑内，真系好有谂头。鹌鹑外壳搽左层甜甜o既酱汁，同个带咸o既鹅肝好合得黎，非常之野味之余，鹌鹑肉亦唔会干。碟角上o既「松露薯蓉」原来系Robuchon先生手本名菜之一，松露散发阵阵香味，薯蓉软滑得黎溶喺口𠮶种感觉真系非笔墨能够形容，简直可称得上系ＸＯ食过最正o既薯蓉呀！
L’AGNEAU （羊）- Lamb cutlets with fresh thyme：平时好怕食羊o既ＸＯ可以证实，羊仔肉质嫩而软，味道一Ｄ都唔苏，真系食到嘴lam lam！伴碟o既芝士溶茄子烟烟韧韧，味道都好得意。有样野，真系唔讲唔知道，用黎煮依道菜o既羊仔原来系未戒奶架，所以羊仔o既骨重好幼小！妇女们听左觉得好残忍，不过小弟觉得其实食肉本身就系要杀生，只系食o既时候唔知道过程个心可能会好过Ｄ？！
甜品时间，姐姐仔带左我去参观个好有睇头o既甜品车，虽然冇人点车上o既糕点，但系都影左幅相同大家分享。
LE MINTY - ‘’Caraibe’’ Chocolate Molten Gâteaux Accompanied with Mint Sorbet：此乃ＸＯ最喜爱的甜品哦！进化左o既心太软，外皮香脆，内藏酒精，而且够热够流心，配上薄荷sorbet令到整体冇咁溜，重意外地加添左一份清新感，凉透入心，不得不向大家推介！
Fruit Bowl（生果）：对非常注重健康o既主妇黎讲，餐牌上o既甜品不甚吸引，所以经理好细心地为佢地安排咗Ｄ水果拼盘。每款生果都好够涷，而且细细粒容易食，唔需要切，食得干净俐落。
Petit Fours（小甜点）：最怕浪费食物o既ＸＯ觉得Petit Fours份量同size刚刚好！虽然朱古力迷o既我对macaron底下o既金色朱古力豆情有独钟，但系都要赞下烟烟韧韧o既啫喱粒，半松脆o既macaron，同松软o既madeleine，味道唔会太甜，好够lite。
Expresso：食到咁饱，小弟就叫左杯特浓咖啡帮助消化，味道香浓得颇有惊喜！有机会可以品尝名厨Robuchon 先生o既得奖名菜，以及亲身体验到色香味俱全o既高级西餐，心情极度兴奋之余，自己都觉得劲有口福呀！
后记：
1) 好多人都未必知道，原来餐厅系有提供代客泊车服务o既！大家只要停架车喺置地文华东方酒店（The Landmark Mandarin Oriental Hotel ）门口，同个哥哥仔讲话系去Robuchon 餐厅食饭，佢就会比张飞各下，埋单时比餐厅盖章确认，咁就得架啦。
2) 大家黎Robuchon任何一间餐厅食野时，记住系唔可以带酒或蛋糕架！三间餐厅o既酒牌系一样；牌上o既种类繁多，而且价钱亦相当合理，所以唔比客人自带酒水绝对有道理！
张贴
