玩具小屋咖啡室 (已結業)

呢间楼上cafe胜在冇限时，叫完野食可以任坐唔嬲，所以一班人黎呢到食野玩board game吹水就岩哂～野食选择都算多，不过都系个d楼上cafe常见既野食。呢个烟三文鱼黑松露忌廉天使面我都几推荐，佢煮得岩岩好，唔太淋亦都唔太硬。用忌廉煮基本上都好安全冇得输，配埋烟三文鱼记更加惹味，不过黑松露味我就完全食咖出啦。呢个海鲜意粉都唔错，唔系话俾几旧蟹柳就话系海鲜咁敷衍，都有虾、鱿鱼圈等等不过食落有d辣，唔食得辣既就最好唔好叫啦～呢个烟三文鱼pizza一送到黎已经闻到劲香，岩岩焗起衬热食系最正。烟三文鱼下面有d芝士，虽然冇多到拉丝，但系好好味仲要个饼底好薄，钟意食薄批既你一定钟意