彩興來來火鍋 (已結業)

拖左好耐既聚餐，终于约齐人来。因为其中一个朋友是日搬屋，为左就近d,所以拣左系将军澳食，天气又冻冻地，梗系打边炉啦。尼间唔系第一次来，上次觉得都ok,所以决定来多次。佢系帝景湾既商场，其实都几隔涉，唔系住系尼头都唔识行，所以食客都系尼头既住客。打边炉梗系要拣汤底先，今日拣左个light d既养生汤底， 各种菇类，粟米，望落真系好健康边炉配料也大部分都很健康， 肉类只有手切肥牛，豚肉片， 大虾，珊瑚蚌， 脆腕鱼片， 手打杂丸， 冻豆腐，百福豆腐， 之后就系大量蔬菜：皇帝菜，唐篙，娃娃菜，袖珍菇，莴笋片，粟米， 炸芋头，炸鱼皮，响铃等等。 份量都唔少。仲有小食汁煮鲍鱼， 东风螺。今次d配料都无上次新鲜，腕鱼片好多骨， 皇帝菜既梗好硬，炸鱼皮不脆， 粟米不甜。除此之外，其他的还可以， 手切肥牛味道一依然咁鲜味，豚肉好爽， 炸芋头够粉，汁煮鲍鱼好烟韧。不过今餐都唔平，每个人都要340左右， 食物质素不算特别标青， cp值不高，打边炉选择太多了，下次应该不会再来。