影片
更多
2022-06-25
750 浏览
喺佐敦附近行过，见到有呢一间小店，见佢写住古法濑粉，就行过去睇一睇，发现原来佢都有萝卜糕卖。而且装修简洁，设计亦都好新潮，可以用自助贩卖机购买你钟意嘅嘢食。边个话萝卜糕净系中国新年先可以食？我就嚟要去英国，所以要食多啲香港本地可以食到嘅食物，而萝卜糕就系其中之一！非常挂念妈妈每年自家制嘅萝卜糕，用料十足，会落江瑶柱、冬菇、肥肉、腊肠、虾米等。睇过食评见到呢一间小店佢哋买嘅萝卜糕亦都好受街坊欢迎，所以我决定要买一底返酒店煎嚟食当早餐。佢送一个保温袋，入边嘅萝卜糕系用真空包装，感觉非常卫生干净，唔使怕有细菌。佢仲一用一个法式陶瓷盘去装住，用完洗返干净可以用嚟装其他嘢，所以价钱贵少少都抵返晒。俾大家睇吓佢个横切面先，你见到有虾米、腊肠、瑶柱、猪肉等，就同我妈妈整嘅差唔多，都系用心之作。一底切开，都差唔多总共有廿块，分量十足。食萝卜糕就当然系落少少油、然之后将佢煎到四面金黄，外层脆脆，内里软熟。由于佢萝卜糕10分足料，所以食起嚟可以品尝到萝卜嘅清甜香味，仲有𠮶啲干嘅配料煎过之后既香气。本身谂住食几旧，最后一次过将剩低同男朋友一齐食晒。我会好挂念香港嘅萝卜糕，包括妈妈牌同埋呢一间小店出品嘅！
喺佐敦附近行过，见到有呢一间小店，见佢写住古法濑粉，就行过去睇一睇，发现原来佢都有萝卜糕卖。
而且装修简洁，设计亦都好新潮，可以用自助贩卖机购买你钟意嘅嘢食。
边个话萝卜糕净系中国新年先可以食？我就嚟要去英国，所以要食多啲香港本地可以食到嘅食物，而萝卜糕就系其中之一！
非常挂念妈妈每年自家制嘅萝卜糕，用料十足，会落江瑶柱、冬菇、肥肉、腊肠、虾米等。睇过食评见到呢一间小店佢哋买嘅萝卜糕亦都好受街坊欢迎，所以我决定要买一底返酒店煎嚟食当早餐。
佢送一个保温袋，入边嘅萝卜糕系用真空包装，感觉非常卫生干净，唔使怕有细菌。佢仲一用一个法式陶瓷盘去装住，用完洗返干净可以用嚟装其他嘢，所以价钱贵少少都抵返晒。
俾大家睇吓佢个横切面先，你见到有虾米、腊肠、瑶柱、猪肉等，就同我妈妈整嘅差唔多，都系用心之作。
一底切开，都差唔多总共有廿块，分量十足。
食萝卜糕就当然系落少少油、然之后将佢煎到四面金黄，外层脆脆，内里软熟。
由于佢萝卜糕10分足料，所以食起嚟可以品尝到萝卜嘅清甜香味，仲有𠮶啲干嘅配料煎过之后既香气。本身谂住食几旧，最后一次过将剩低同男朋友一齐食晒。
我会好挂念香港嘅萝卜糕，包括妈妈牌同埋呢一间小店出品嘅！
张贴
