影片
更多
2022-09-22
643 浏览
除咗”粤菜天花板”富临饭店，铜锣湾信和广场仲有另一间传奇名店，叫做Roganic。餐厅2019年开业，短短唔够十个月就摘取米芝连一星，靠嘅除咗主厨Simon Rogan嘅名气，当然仲有稳打稳扎嘅实力，同埋大胆前卫嘅创意。今次呀叔小试牛刀，同老婆一齐体验吓佢哋嘅lunch menu。头盘Seaweed Tartlet，以脆身干昆布造底，配上熟成和牛粒同埋焦糖化洋葱。当你以为咁样嘅食材作为头盘好重口味，酱汁嘅酸度同洋葱嘅甜度比例平衡，配搭牛肉嘅陈香同昆布嘅umami，实际上意外地令人开胃。面头嘅食用花带嚟嘅视觉效果加上味蕾嘅冲击，一啖入口已经感觉到今餐有食神。第二道菜茶碗蒸配Irish Soda Bread & Brown English Butter。茶碗蒸上面各种脆口蔬菜嘅甜味，配合嫩滑高汤蒸蛋嘅鲜味，惊喜之处在于底层软糯黏稠嘅花胶，呢个口感三重奏真系不得了。选用传统中式干货食材再以日式手法烹调，的确高招。Irish Soda Bread系餐厅招牌之一，质地软熟到似蛋糕多过面包。切开一半搽上caramel焦香嘅English Butter，十分满足。主菜有香煎本地三黄鸡同牛油泡浸石斑鱼
头盘Seaweed Tartlet，以脆身干昆布造底，配上熟成和牛粒同埋焦糖化洋葱。当你以为咁样嘅食材作为头盘好重口味，酱汁嘅酸度同洋葱嘅甜度比例平衡，配搭牛肉嘅陈香同昆布嘅umami，实际上意外地令人开胃。面头嘅食用花带嚟嘅视觉效果加上味蕾嘅冲击，一啖入口已经感觉到今餐有食神。
第二道菜茶碗蒸配Irish Soda Bread & Brown English Butter。茶碗蒸上面各种脆口蔬菜嘅甜味，配合嫩滑高汤蒸蛋嘅鲜味，惊喜之处在于底层软糯黏稠嘅花胶，呢个口感三重奏真系不得了。选用传统中式干货食材再以日式手法烹调，的确高招。Irish Soda Bread系餐厅招牌之一，质地软熟到似蛋糕多过面包。切开一半搽上caramel焦香嘅English Butter，十分满足。
主菜有香煎本地三黄鸡同牛油泡浸石斑鱼。呀叔最怕食鸡胸，但呢块先用低温慢煮再以猛火香煎外皮嘅鸡胸油香肉汁十足，令我谂起之前喺Amber食过嘅同款料理，两者五五波不相伯仲。配菜嘅酥炸鸡肾同香煎白泡菜都十分出色。石斑鱼低温油浸紧紧熟，咬落水嫩无渣。配上蒜香芦笋汁、白芦笋粒同埋大根烧，非常鲜甜。
甜品伯爵茶吉士挞味道正常发挥但表面焦糖略嫌太厚，难以用叉𠝹开优雅进食。炼奶雪糕奶味香浓，但调味过咸影响整体味道。甜品表现稍为逊色，如此作结实属可惜。
另外值得一提嘅系餐厅有个温室柜种香草，完全体现到farm-to-table嘅理念，因为个农场就喺眼前。埋单每位$380加一，咁嘅价钱绝对俾到超班质素。呢餐中日法fusion菜呀叔approve。听侍应讲餐厅嚟紧会转menu，之后有机会呀叔会返啅再试佢嘅full tasting menu，同埋隔离嘅姐妹店Aulis。
张贴
