Running 燒 (已結業)

放假去左将军澳睇戏兼行街，行到肚仔饿，去左Popfood度揾餐厅医肚，见到哩间Running 韩式烧烤餐厅自助烧都几吸引。入面地方都几宽落，虽然系烧烤餐厅，但无咩油烟味。坐低左之后，店员放低张单比你扫QR code自行落单，每款食物都有5、6款选择，牛肋骨、牛脷、豚肉、鱿鱼、生蚝、带子、羊肉样样都有。行两步就有个自助区，熟食、饮品、甜品、调味酱汁、蔬菜等都可以系果度揾到。介绍下有咩调味酱汁可以配搭先：烧肉汁、韩式辣酱、甜酸烤肉酱、盐酱、大酱仲有蒜蓉比你任毕。喜欢吃牛肉的我每款牛都叫左两件，D肉望落鲜红色，下面无血水，感觉都几新鲜。烧好后浸落甜酸烤肉酱中，食落唔会干净净，酸酸甜甜更加开胃。食韩国菜最喜欢点年糕食，哩度都有款年糕汤，用传统大海带加豆芽一起煮，满足食韩国菜必食既人心理。食完肉就叫左海鲜烧，哩度既带子粒粒都好厚身，属于中型size，食落啖啖肉同嫩口。食完仲有时间，叹埋甜品同雪条先走。