Running 燒 (已結業)

一向都喜欢烧烤嘅我，今日同朋友都想试下呢间韩式烧烤餐厅：running烧。 晚饭时段入座，人流未算多而且好快有位。 可以拣坐卡位，座位好宽敞。 自助烧时间今次有110分钟，有自助食物区、另外可以手机点餐、叫烧烤食材。手机点嘢食可以叫猪、羊、牛同鸡肉。另外叫咗虾同元贝。 等紧食物时侯，到自助食物区拎咗开胃食物，由于都有啲肚饿，拎咗少少泡菜、炸薯角同埋沙律食。 另外，每次食韩烧都好钟意饮鸡汤，亦拎一碗饮。烧烤食物好快到，可以烧我最爱嘅五花腩食，薄薄一片五花腩好快烧香ready，加埋一片生菜同埋韩式辣酱、烧烤酱后，包住一齐黎食好正。 由于比较食量大，仲叫咗一个温泉蛋捞紫菜饭、韩式辣面食。 紫菜饭加五花腩薄烧唔错。另外，见佢一啲熟食都不错。 叫咗平时好少食嘅炸鱿鱼须同炸鸡食。 食饱饱后到甜品时间，布丁、雪糕同埋蛋糕仔不能少。 除咗食物方面不错之后，服务质素都不错。 店员好有礼貌，上菜速度算快。下次可以再帮衬。