Running 燒 (已結業)

今日同左个fd去左将军澳食韩烧，个环境同啲人都令到我好有置身韩国嘅感觉。未开始食野，净系叫野食就已经觉得间铺好贴心，佢唔似其他韩烧咁一碟一碟叫，而系一块一块咁叫，个餐牌咁多款野食，如果唔系可以逐块叫点食得晒！所以我同我个fd就一于每样黎两块，成份menu每样黎两块！等紧野食嘅期间我地就出左去出面睇下有咩饮同野食夹。去得食韩烧，配菜当然唔少得！夹左碟泡菜同芽菜食，都几好味，作为前菜开胃得黎又帮助消化。除左配菜佢都有其他小食，例如沙律同汤，不过我地就留肚等食肉~唔洗3分钟啲牛猪鸡羊同海鲜都到齐晒，我地就边烧海鲜，边烧牛。啲牛嘅厚度啱啱好，又唔会太肥，好快就熟，放入口咬落去，啲牛汁出晒黎，唔同牛都一样咁好味！再黎烧猪羊同鸡，全部都好滑好juicy，一个字，正！最后再食埋啲芝士蚝，带子，仙贝同鲭鱼，全部都好入味，简直系喺海陆两边走黎走去食大餐！正所谓甜品系第二个胃，最后梗系食埋甜品先走。先唔讲佢自家制嘅甜品，净系有某牌子嘅低卡雪条已经够晒正。再食埋佢嘅oreo布甸，牛奶布甸同吉士泡芙，哗！满足！