豪隍點心 (已結業)

今次已经系第三次光顾豪隍点心！第一次系新开张时堂食，第二次系同同事买外卖，两次感觉都唔错。今日想食蒸饭就黎左呢度买外卖。同而家流行既点心店一样，餐厅面积好细间，堂食一定觉得迫迫地，但豪隍既装修比起其他算系靓好多；今次自己一个人食，点左冬GOO蒸鸡饭$26同两粒烧卖$13外卖$1好有礼貌同笑容既收银职员如常咁提示我：即叫即蒸　要等大约廿分钟。十八分钟后有得拎。一打开既时候，即刻想讲　会唔会细盒左DD饭既高度只系占五分之一，其中一边既饭如图见底究竟系个饭盒太大定饭真系太少记得上次食既时候饭已经唔多，但绝对冇今次咁少。不过鸡肉数量都算系咁。呢个烧卖料真系好充足，只虾真系好有虾味，猪肉都几结实，整体都算ok，不过都系觉得酒楼好食D。豪隍既外卖唔系用普通发泡胶盒，而且职员会自行放入豉油同辣椒油。不过我食点心都唔会用辣油，同埋我只系要左两粒烧卖，觉得好浪费。其实可以问左客人有冇需要先丫，咁样可以减轻成本又环保D。