掌壽司 (已結業)

星期六晚7点几，打去book半个钟后去都有位，记住点都打去订位，订位有9折架！虽然系工厦但内部装修都唔错，环境都算舒服两个人最好就叫set dinner，又唔使谂，$648有沙律、寿司、刺身、热㶽，仲有梳乎厘pancake雪糕！都几丰富。先来蟹子沙律，都几大份，味道正常。寿司有啲失望，竟然系有三文鱼卷，cheap左少少，争鲜都买到... 海胆寿司就唔错，几新鲜。刺身拼盘都系一般，全部都系中低级刺身，虽然系几新鲜，但咁的价钱应该可以俾啲好啲嘅刺身。个热锅就几好，有好多蔬菜同菇，个牛同猪都好好食，牛真系几靓，入口即溶，好有牛味。仲有温泉蛋2只，几好！最后梳乎厘pancake配芝麻雪糕，个pancake薄身，唔系出面个啲劲厚的pancake但里面的而且确系梳乎厘的口感，入口即溶，蛋味好香，而且系啱啱整，所以暖暖地，真系唔错。个雪糕芝麻味浓但真系好硬，成够雪咁，不过overall个甜品都唔错。个set dinner两个人食啱啱好，但略嫌贵左少少，寿司同刺身都系一般货色，工厦食物黎讲唔算好抵食。