Suage北海道湯咖哩

营业中

休息中

呢间店卖点系北海道汤咖喱，呢个原来系北海道当地既名物黎，而汤咖哩顾名思义系汤黎，所以唔会太辣，岩晒啲唔食得好辣既人，除左咖喱，呢度既小食都值得一试！🍆木鱼花茄子🍆  🐥日本芝麻鸡翼🐥茄子系比较清淡既一个小食，只系用左少少豉油去调味，咁样唔会太咸，食到既反而系茄子既清甜，茄子口感亦唔会过软过硬，系爽嫩既，加左啲木鱼就更清香，更加清新，比较开胃！鸡翼好香脆!!真系好脆口，好香口，好惹味，鸡翼本身腌得好入味，再加埋炸脆左既口感，味道口感都系满分！🦪日本广岛蚝汤咖喱拉面🦪  🐷炙烧豚角汤咖喱拉面🐷咖喱唔会净系得辣味，食到除左辣味仲有唔同香料既香味，味道有层次，比较丰富，汤底都唔会过稠，系可以食完饮晒成个汤。而广岛蚝大只肥美，鲜甜可口，豚角则肥嫩肉香，爽甜香口，拉面面质都系烟靭爽口，无可挑剔！