茶芝味 (已結業)

做人好多时候都系「知其不可而为之」，明明知道珍珠奶茶系有超肥，明明知道芝士奶盖就梗系肥，明明知道饮一杯系肥过食一餐饭，但系有啲野真系唔系咁易控制，特别系对于一个芝士控黎讲~~近年芝士奶盖进军香港，几乎间间珍珠奶茶店都卖埋芝士奶盖，但系当然唔系间间都好饮，睇咗坊间咁多介绍，知道葵广呢间「茶芝味」就系平靓正之选，今日一场黎到当然要试番杯。为咗试出佢嘅原汁原味，我谂都无谂就拣咗「芝士奶茶」，D 芝士都RICH几有口感，仲偏咸咸地，好正，不过因为我拣咗奶茶做底，我个人就觉得比较甜，下次可能拣返乌龙茶会比较好，但系总括黎讲，佢嘅芝士奶盖真系无得顶