Passion (已結業)

黎到passion，第一时间会谂起好精致嘅甜品，不其然就会扑左去甜品柜度，先行欣赏一番。但今次嘅惊喜，竟然系来自咸食同饮品！叫左杯pistachio latte，本身系觉得呢杯会系好特别，但唔会好饮，完全系因为我有冒险精神先叫呢杯嘢。点知，佢真系好好饮。系难以用笔墨形容嘅好饮。一片薄薄而半溶嘅朱古力下面，系绿绿黄黄嘅开心果奶。质感好thick，有少少似浆，入口好顺滑。开心果嘅味道好香浓，nutty再加上milky，配合起黎无违和感。Brie cheese pizza都系另一亮点。一向都好中意法国Brie cheese，因为佢嘅味道唔会太浓烈，而质感系比水牛芝士软稔少少，但又带点韧度，用黎伴crackers食真系不得了。呢个pizza嘅中心铺左厚厚嘅Brie cheese，仲有拉丝效果。酸甜嘅番茄平衡左芝士微微嘅腻感，其实唔洗再加其他配料都已经好出色。如果要挑剔嘅话，就系环境真系有啲狭窄，好似要同隔离枱迫住迫住咁，尤其因为大部份都系高身六人枱，食得唔系好舒服。