Classified (交易廣場) (已結業)

是日系中环食个lunch就要赶住返office啦，系IFC又无咩想食，谂起呢度新开左一段时间，就上左黎呢度食野啦。大概下午一点黎到，仲惊好多人无位，结果都唔系好满咋㖞，即刻揾到个位坐。喜欢呢度既环境，有窗可以望到出面既环境，另外有原木既Dining Table舒适自然，坐低睇下报纸杂志等，感觉真悠闲~是日都几肚饿，叫左一客linguine carbonara加一杯caffe latte，就系我既午餐啦。caffe latte 先黎到，温度够热，不过表面奶泡唔算好幼滑，都有少少奶香，但系咖啡味实在几淡下...... 所以唔系几苦亦唔涩的~ 之后再等多十分钟到就有野食啦，linguine carbonara卖相几吸引的，不过食落都系一般咋㖞~ 酱汁感觉好浓，但食落味道都系较淡，没什么蛋香呢~ 意粉煮得都ok的，虽不算al dente但起码都不算太淋的~ 不过另一样好奇怪的就系除左烟肉外，仲加左一D火腿，味道几咸而且同个意粉味道唔太夹... 嗯... 所以都系麻麻地~ 好彩份量唔算好大，都勉强完成到的~不过我留意到系呢度食野既人大部分都系食唔哂D食物的.... 唔知系太腻定系份量太大呢???