Say Cheese (將軍澳中心) (已結業)

星期五晚嚟到将军澳揾嘢食，见到呢间餐厅主打芝士，望落几吸引，决定今晚就试吓呢间餐厅我地大约七点嚟到，餐厅当时唔算多人，唔使等位，可以直接入去坐低，点知后尾食完走嘅时候出面好多人等位睇完餐牌之后，我哋决定点二人餐二人餐跟两个餐汤，我哋拣咗法色龙虾汤和甘笋汤，甘笋汤有好浓郁嘅甘笋味，杰身，一啲都唔浠，好味二人餐嘅小食系四选一，我哋拣咗黑松露芝士薯条。黑松露酱系另上，有别于出面餐厅个酱淋喺面，薯条炸得松脆香口，上面有一片片芝士碎，混埋黑松露酱几好味。如果芝士可以热溶舖系薯条上面，就更加好啦意粉/饭都系四选一，我哋拣咗王牌嘅火焰卡邦尼意粉，意粉入面有蘑菇同埋炒香左嘅烟肉，都食到有芝士味嘅，不过唔算好浓郁，整体唔错主食方面我哋拣咗黑安格斯肉眼扒10安士，七成熟。肉眼扒煎得几香唔会过熟， keep到juicy既口感 如果配菜可以多啲就更加好啦呢个套餐仲包两杯饮品，我哋拣咗美式热咖啡同埋热柠水。二人餐来讲呢个套餐都几丰富，下次经过将军澳可以一试。