School Food (已結業)

沙田新城市入面好多都系连锁餐厅，但都有唔少系好食的连锁餐厅，而School Food 算系其中水准都唔错的，今日就同朋友去左School Food 食晚餐。乌卒卒 - 记得好耐之前第一次食系觉得惊为天人，但而家食只系觉得味道正常，墨鱼仍然弹牙，仲系值得一试的。火爆鸡肉铁锅饭 - 虽然餐牌写的辣度系4粒星，但唔算太辣，材料丰富，但铁锅饭配生菜好似有少少唔太似韩式咁，但味道系正常的。辣皇炸猪扒炒年糕 - 食左一半先记得影相，但其实卖相系唔错的，虽然D个真系好辣，但辣得好好食，辣得来有D甜味，配炸猪扒同炒年糕都一流。炸猪扒皮吸收左辣酱的精华，爽脆口感加上甜甜辣辣简直系梦幻配搭，诚意推荐俾食到辣的朋友。整体而言，餐厅环境舒适，而且食物质素都唔错，系同朋友食饭的好选择。