街角甜品

营业中

休息中

同朋友喺联和墟食饭，食到大半饱，但系朋友话未够喉，唞一唞要去食甜品。最后佢选咗呢一间，我话有冇刨冰食，佢话唔觉有。坐低睇餐牌真系冇，有少少拣唔落手。但系突然间喺隔篱枱见到一碗劲大嘅刨冰，即刻问侍应𠮶个咩嚟嘅，原来系佢哋新推出嘅香芒雪山。系未印得切所以Menu冇。咁就嗌嚟试试啦，不过就将个芒果雪糕转咗其他味道，今次就拣咗水蜜桃味。望落去啲刨冰真系好似雪咁样样几靓，食落去惊喜爆灯，原来佢个冰底系用咗椰汁去整超浓嘅椰香味。重点嘅系入口即化，真系好有心思嘅冰底。因为呢个太出色，朋友连佢个糖水都食唔晒反而进攻我呢个香芒雪沙。可能个椰子冰底太出色个水蜜桃雪糕就轻咗少少下次要试其他味道嘅雪糕。