maze Grill (已結業)

食完一次念念不忘杯红酒同个环境，今晚带埋屋企人黎食，又可以试多几样野食。我哋坐咗喺餐厅最入嘅位置，依然望到美丽嘅维港景色。今次个餐包同上次一样今次系 sourdough 面包再加牛骨髓牛油，依旧好好，encore左几次。慢煮鸭肉西瓜沙律Waiter 边系我地枱前将鸭肉拆骨，加入火箭菜、西瓜粒，边介绍鸭肉系经过12小时调味再加12小时慢煮。鸭肉有少少脆皮，个汁系甜酸，好开胃。推荐可以一试。烤八爪鱼🐙有一条巨型八爪鱼脚，上面有香草酱，下面有乳酪，唔系太夹。烟熏牛扒他他生肉加入洋葱番茄，脆片我就觉得唔太好食，反而配sourdough 面包更加夹。妈妈本身唔食生肉，佢食完先知系生肉都冇吐，仲话好食🤣人多梗系叫埋个beef wellington, 第二次食我都系觉得唔错既。家人就觉得三样野，个皮、菇、牛唔夹。成餐饭大家都食得好满足。食完饭仲走咗出露台欣赏维港夜景，仲影咗好多靓相。