影片
更多
2024-07-15
3101 浏览
晌太子「西洋菜街南」嘅一段，可以讲喺条酒吧街，酒吧多不胜数，不过，近界限街位置有一家西餐厅，门面喺泥红色砖墙加上巨型圆拱门，就变得份外突出。今们同表哥嚟到，因为佢都好少食西班牙菜，就带佢嚟见识一下。铺面特别设有两张枱，旁边又放咗啲仙人掌植物，原来喺专登俾啲带宠物嘅客人坐晌度，饮吓嘢、食吓嘢，又唔使担心啲宠物会骚扰到客人。原来餐厅有两层，先讲讲地下，里面装修几有特色，尤其是较入嘅红砖墙，利用砖嘅凹凸砌咗一组图案，配以柔和灯光，都颇有气氛。另外，右边喺厨房重地，采开放式，所以睇到师傅喺度做菜嘅模样。由职员带路上到二楼，真喺别有洞天，呢一层装修就比较简约，座位亦都多啲，特别嘅喺座位都喺单向，因为是晚有live band表演，可以一边食嘢，一边轻松听音乐。当晚全场坐满人，几好气氛。如果你想同朋友静静哋倾下偈，咁就当然拣坐楼下会好啲。初头见餐厅名写「cafe」都以为喺咖啡店，但喺一睇番餐牌写有Tapas（西班牙小食），咁你就知佢主力应该喺西班牙菜，不过，睇埋佢嘅沙律同主菜，你又会发觉其实啲菜式都不拘一格，略带一题，侍应就话呢佢哋啱啱转咗新餐牌，有好多特别菜式。饮品方面，选择就非常多元化，除咗一系
铺面特别设有两张枱，旁边又放咗啲仙人掌植物，原来喺专登俾啲带宠物嘅客人坐晌度，饮吓嘢、食吓嘢，又唔使担心啲宠物会骚扰到客人。
原来餐厅有两层，先讲讲地下，里面装修几有特色，尤其是较入嘅红砖墙，利用砖嘅凹凸砌咗一组图案，配以柔和灯光，都颇有气氛。另外，右边喺厨房重地，采开放式，所以睇到师傅喺度做菜嘅模样。
由职员带路上到二楼，真喺别有洞天，呢一层装修就比较简约，座位亦都多啲，特别嘅喺座位都喺单向，因为是晚有live band表演，可以一边食嘢，一边轻松听音乐。当晚全场坐满人，几好气氛。如果你想同朋友静静哋倾下偈，咁就当然拣坐楼下会好啲。
初头见餐厅名写「cafe」都以为喺咖啡店，但喺一睇番餐牌写有Tapas（西班牙小食），咁你就知佢主力应该喺西班牙菜，不过，睇埋佢嘅沙律同主菜，你又会发觉其实啲菜式都不拘一格，略带一题，侍应就话呢佢哋啱啱转咗新餐牌，有好多特别菜式。
饮品方面，选择就非常多元化，除咗一系列意式议咖啡、热茶之外，仲有多款无酒精鸡尾酒。此外，好酒之徒亦有大把嘢拣，红白餐酒、西班牙果酒、鸡尾酒都一应俱全。
荔枝乌龙茶 $45由于咖啡机坏咗，未能得尝店家嘅意式咖啡，退而求其次，选咗荔枝乌龙茶，因为，今餐食嘅嘢都系比较味浓，所以，配返个清淡嘅调和一吓。
Refreshing Passion $68表哥就想试下啲无酒精鸡尾酒，同样，谂住食啲浓味嘢，所以，拣咗呢一杯以热情果、芒果、橙汁、梳打水沟成嘅特饮，佢话饮落酸味比较重，但喺就好清爽，衬晒啲鱿鱼圈同个布里芝士。
薯仔溏心蛋沙律 $78先上一道薯仔沙律，唔好以为就咁薯仔捞啲沙律酱好普通咁，食落其实里面仲有其他食材，例如青瓜、甘笋，仲有啲脆烟肉，加埋只溏心蛋，口感好丰富。
香炸鱿鱼圈配甜辣酱 $78一连嗌咗3个西班牙小食，先登场嘅喺鱿鱼圈， 店员解释由于甜辣酱缺货，所以只好配上沙律酱。鱿鱼圈炸得金黄，入口外层酥脆香口，里面质感柔韧，唧上柠檬汁再点啲沙律酱，食起嚟更加清爽去腻。
梅子柠香酒浸蚬 $108有别一般常见嘅日式清酒煮蚬，呢一道小食喺冷盘嚟，入口蚬肉凉浸浸，所以更加适合夏天享用，而蚬肉不单止肥美，而且，浸过梅酒，梅味非常突出，由于喺冷浸，所以，酒味都相对重。
梅子柠香酒浸蚬
$108
0 浏览
0 赞好
0 留言
蒜香蜜糖焗布里芝士配酸种面包 $88呢一款小食唔喺小食咁简单，因为成大嚿布里芝士上枱，配上焗脆咗嘅酸种面包，又用上小煎镬，够晒打卡感。芝士焗到好软身，芝士味好香浓，衬埋啲蜜糖蒜片，夹埋面包一齐食，真喺好有惊喜。不过 挑剔位喺芝士跟面包份量嘅比例唔成正比，唔紧要，食剩嘅芝士我哋用嚟配落啲意粉度。
蒜香蜜糖焗布里芝士配酸种面包
$88
21 浏览
0 赞好
0 留言
明太子忌廉烟肉菠菜大虾意粉 $148呢一道意粉又值得推介，第一喺啲意粉煮到啱啱好，够晒咬口，其次，沾满明太子忌廉汁，香滑得嚟带些微辣香，混入烟肉碎、菠菜，味道更丰富；第三，啲大虾又大又鲜甜，衬埋少少三文鱼籽，好有画龙点睛之效。
明太子忌廉烟肉菠菜大虾意粉
$148
5 浏览
0 赞好
0 留言
食到尾，大家都仲有虚位，就嗌多一客甜品作结，等今餐变得更完美。佢哋有独立一张甜品餐牌，选择亦唔少，共9款，单睇啲菜名都几有卖点，值得一试。
流心焦糖炖蛋法式西多士配合桃碎及焦糖饼干 $78我哋就拣咗呢一款带法式风味（法式焦糖炖蛋）嘅西多士，成品上枱同我嘅预期好唔同，面层冚住件西多嘅喺焦糖炖蛋嘅流心版，其实有啲似淋上一层吉士浆，再做一层玻璃脆焦糖，味道几香，而中间厚身嘅西多好软熟，食起嚟仲有啲似梳乎厘班戟咁，再衬埋啲合桃碎同饼干碎，非常好味，眨下眼就被我哋处决晒。
流心焦糖炖蛋法式西多士配合桃碎及焦糖饼干
$78
4 浏览
0 赞好
0 留言
晌度用餐气氛轻松，无论啲西班牙小食、主菜，抑或甜品都做得出色，招呼亦好唔错，侍应好年青，非常有礼貌，啲服务亦都好贴心，值得回访。
张贴
