影片
更多
2017-12-16
711 浏览
Semi Buffet 我一向都比较少食，所以都唔知道边度有好嘅选择，呢间餐厅系一个同事曾经食过，觉得唔错而推介，今次我哋浩浩荡荡一行14人嚟到，中午嘅时间人流唔算多，12点半钟到都系坐满一半。Semi Buffet顾名思义头盘以buffet形式自己选择，再拣选一款主菜以及甜品再配上咖啡或茶。先讲讲头盘款式，款式都不下20款。 由冷盘三款生蚝开始，再到琵琶虾，翡翠螺，各款鱼生，寿司，卷物，三四款沙律，沙律菜，水果，各款cold cut，芝士，等等。 而主菜方面亦都有几款俾你拣，当日好多同事都叫咗beef wellington， 而我就拣咗三文鱼，配有蟹肉伴以青豆汁，肉质嫩滑，青豆汁味道鲜甜可惜盐分偏高，有啲晒咗，仲配有两粒海胆意大利云吞，但我觉得一啲海胆嘅味道都冇，反而系好似好实肉嘅虾饺咁。主菜份量唔算大但已经足够。而牛肉威灵顿方面，同事都话有一阵膶肠既味道，我估计系入边鹅肝酱加上烟肉，先至可以配合出一种咁奇妙嘅效果，眼见肉都系粉红色嘅，金黄色嘅酥皮望落都有板有眼，但同事们一致嘅评语竟然平平无奇，虽然大家都知道系功夫菜，但味道得唔到大家嘅认同。而甜品方面有两款我好庆幸自己叫咗个焗梨批，
Semi Buffet顾名思义头盘以buffet形式自己选择，再拣选一款主菜以及甜品再配上咖啡或茶。
先讲讲头盘款式，款式都不下20款。 由冷盘三款生蚝开始，再到琵琶虾，翡翠螺，各款鱼生，寿司，卷物，三四款沙律，沙律菜，水果，各款cold cut，芝士，等等。
而主菜方面亦都有几款俾你拣，当日好多同事都叫咗beef wellington， 而我就拣咗三文鱼，配有蟹肉伴以青豆汁，肉质嫩滑，青豆汁味道鲜甜可惜盐分偏高，有啲晒咗，仲配有两粒海胆意大利云吞，但我觉得一啲海胆嘅味道都冇，反而系好似好实肉嘅虾饺咁。主菜份量唔算大但已经足够。
而牛肉威灵顿方面，同事都话有一阵膶肠既味道，我估计系入边鹅肝酱加上烟肉，先至可以配合出一种咁奇妙嘅效果，眼见肉都系粉红色嘅，金黄色嘅酥皮望落都有板有眼，但同事们一致嘅评语竟然平平无奇，虽然大家都知道系功夫菜，但味道得唔到大家嘅认同。
而甜品方面有两款我好庆幸自己叫咗个焗梨批，我净系食咗入边嘅梨，煮过嘅当然味道偏甜，而外面嘅皮的确好松化，见到同事𠮶个朱古力挞，再加上蛋白打成嘅糖霜，甜到爆灯，我觉得一个朱古力挞三个人分都可以。
总括来讲：前菜选择多比较突出，主菜就中规中矩，甜品有啲失色。但系呢餐唔使自己俾钱，所以都系食得开心嘅
张贴
