京城 (已結業)

做完gym黎医肚；鬼咁肚饿，即刻落o左两客饺子，点知等极都未o黎。原来当日冇晒饺子皮，要等D皮搓好至有得食。老细见我地等得耐，又送酸辣汤，豆浆，后来仲送埋糖水，其实净系食送果D野都差不多食饱。不过若果唔想得失客人，其实应该落单果阵就话俾客人听要等；当日我地见到有人叫外卖饺子，俾o左钱，等o左一排，老细先同佢讲话D皮仲搓紧；卒之足足等o左成半粒钟，我地睇住佢黑晒面咁离开~~当日滇面豆腐刚刚卖晒，失望！除饺子之外，我地仲叫o左客京酱肉丝，食法同片皮鸭差唔多，都系配薄饼、青瓜、京葱一齐食，有D创意，但肉丝唔够烤鸭咁香，但薄饼热辣辣都唔错。希望呢度可以从错误中学习，以后做得好D。相中就系京酱肉丝。