i CREMERiA Café (已結業)

今日系朗豪坊行街，经过呢度又心思思想食雪糕，见到做紧Set dinner，有汤/salad+主菜+野饮，价钱都系百零蚊，重点系+$30有迷你芭菲，于是即刻入去试下!虽然6点几但仲有d阳光，系窗边有d自然光透入黎感觉劲chill劲舒服!我地叫左两个set，一个要餐汤一个要salad，各有面包伴碟，餐汤系我至爱既南瓜汤~够creamy又食到南瓜蓉~salad酱汁几特别，菜都够新鲜!蕃茄大虾青口意大利面酱汁好杰，每一啖意大利面都挂哂汁，好浓味，虽然系蕃茄酱但一d都唔酸，甜甜地好开胃，大虾有两只，新鲜弹牙又唔会霉，青口够大只，配埋酱汁食好正!意大利牛肝菌云吞好少地方有意大利云吞食，所以见到呢度有就一定要试下啦!酱汁同蕃茄大虾青口意大利面既酱汁一样根杰身，好香浓既芝士味~咬开一口云吞，浓郁既牛肝菌味随之而来，最初见到得几件以为实唔够食，但因为酱汁同牛肝菌够杰身，食哂成碟系好饱的!白玉红豆抹茶芭菲呢个就系跟餐+$30既迷你芭菲，可以自选两种toppings~我就拣左白玉同红豆~白玉烟烟韧韧本身冇咩味所以同甜甜既红豆系绝配!抹茶雪糕还是一贯既好味!虽然话系迷你，但其实份量都唔少，呢$30建议一定要加