The Balcony (已結業)

中秋前夕同男朋友食返餐好既。我地拣左Set dinner for two $638+1。厨师精选沙律有沙律菜、鸭胸、蜜桃，配黑醋汁，酸酸地好开胃。前菜拣两款。法式焗田螺配黑松露及日式芥末茨茸好好食，薯蓉同田螺一啖摆入口，美味可口。冻八爪鱼配牛油果番茄酱系冷盘，八爪鱼弹牙，同酸酸甜甜既番茄酱几夹。秘制龙虾汤唔系行creamy路线，果然比较唔同。到主菜啦。新西兰鳕鱼配泡菜茨茸泡菜薯蓉几特别，鳕鱼肉质弹牙，有两大旧南瓜伴碟。西班牙猪扒配香菇意大利饭猪扒唔韧，意大利饭属于偏硬个种，有𡁻口。精美甜品拼盘有芒果椰汁奶冻、蓝莓、Opera。全部细细件，我钟意opera，不过大件啲就好啦，唔够喉。餐饮叫左冻奶茶同热咖啡。