東方素

营业中

休息中

已经成为咗呢一间餐厅嘅长期顾客,得闲冇带饭都会去食一食不过都系只限下午时段食佢个套餐最好唔使谂嚟谂去 ,宜家餐厅都开业咗一段时间 ,但系开头冇去食系因为得散叫, 觉得唔太化算 ,而家有左套餐好好多!通常下午都有六个菜,我哋就六选三 ,我每一次去都会叫个炸物,因为佢哋炸物特别出色! 但系今日冇𠮶个炸牛丸, 叫咗个水饺,原来都系炸嘅!睇佢个样完全唔似饺子,咬落比较似咸水角多啲 我觉得唔系好够热,但都几足料,味道唔错!呢个系咖哩薯仔秋葵,薯仔够淋,秋葵都好爽可惜咖喱椰香味好重,好香,但就唔系好够浓可以咸返少少!榄菜南瓜就好评!我都估唔到原来咁好食,个汁入面仲有粒粒金菇,瓜绵菇爽,榄菜又有咸味,集几种味觉于一身!出色。而个汤虽然唔系好甜,但未至于似水咁淡,都饮得下。