影片
更多
2018-08-15
283 浏览
餐厅新开无耐，但今晚系第二次帮衬！上次第一次系假日，今日即系星期五晚。第一次试纯粹因屋企人提议试新餐厅，本身plan 好六点去：一系平时屋企习惯早食晚饭（屋企六点几开饭），二系将军澳区假日一过六点，大部分餐厅都系排「长龙」、「中龙」、「短龙」。但最后六点九先到餐厅，眼前属一条「中龙」。结果等左四十五分钟，但因餐厅座落大屋苑商场，四十五分钟行阵唔会觉得好长既。今晚（星期五）屋企人都系七点几先去，但据闻（因小妹属迟到的一个）完全唔洗排队。小妹去到𠮶阵已开始菜到：先介绍一下，呢间餐厅菜如其名，绝大部分既菜式系用砂煲上 (连甜品都系，但未试)，碗碟杯都属砂煲质地，几得意，装修系怀旧同摩登既结合！最记得上次一入餐厅，听到佢播紧「似水流年」，有feel！最快跑出系「竹笙杞子京汤浸时蔬」！竹笙好爽，虽然唔知京汤系咩，但个汤唔会太咸或太淡，白菜唔会太淋身，好足料！上菜速度啱啱好，每道菜唔会隔好耐，几道菜都系差唔多时间上！之后系豉椒炒大蚬，如下图，大蚬系大蚬，并非花甲size！99% 系开哂壳，食贝壳类海鲜最怕有大半系壳未打开又或者有沙，但呢个真系okay！属会番炒既一道菜！有菜有海鲜，跟住系三杯鸡煲，
上次第一次系假日，今日即系星期五晚。
第一次试纯粹因屋企人提议试新餐厅，本身plan 好六点去：一系平时屋企习惯早食晚饭（屋企六点几开饭），二系将军澳区假日一过六点，大部分餐厅都系排「长龙」、「中龙」、「短龙」。
但最后六点九先到餐厅，眼前属一条「中龙」。结果等左四十五分钟，但因餐厅座落大屋苑商场，四十五分钟行阵唔会觉得好长既。
今晚（星期五）屋企人都系七点几先去，但据闻（因小妹属迟到的一个）完全唔洗排队。小妹去到𠮶阵已开始菜到：
先介绍一下，呢间餐厅菜如其名，绝大部分既菜式系用砂煲上 (连甜品都系，但未试)，碗碟杯都属砂煲质地，几得意，装修系怀旧同摩登既结合！最记得上次一入餐厅，听到佢播紧「似水流年」，有feel！
最快跑出系「竹笙杞子京汤浸时蔬」！竹笙好爽，虽然唔知京汤系咩，但个汤唔会太咸或太淡，白菜唔会太淋身，好足料！
上菜速度啱啱好，每道菜唔会隔好耐，几道菜都系差唔多时间上！
之后系豉椒炒大蚬，如下图，大蚬系大蚬，并非花甲size！99% 系开哂壳，食贝壳类海鲜最怕有大半系壳未打开又或者有沙，但呢个真系okay！属会番炒既一道菜！
有菜有海鲜，跟住系三杯鸡煲，妈子至爱既鸡肉！三杯鸡味道有种泰式风情，因加左唔同香椒，好清新同开胃，鸡肉好滑，大部分亦去皮，keep fit 既朋友食一两件都唔怕。
三𩠌跟住当然要有一饭 —— 煲仔饭！
呢度既煲仔饭几特别！材料唔系传统𠮶几款凤爪排骨、腊味..等，虽然佢都有一两款系传统之选，但有得拣，小妹当然拣特式𠮶d，再加上...传统𠮶几款感觉比较肥腻！
上次试左鳗鱼樱花虾，今次试蒜香海龙皇(姐系海鲜什锦)。有虾、青口、鱼块、鱿鱼...美中不足系，比起上次，今次个饭较湿，变左难有饭焦！唔知系因为个材料组合问题，定系厨师今晚失准！？
食后感：小菜新食法，水准中上！
张贴
