吉野家 (已結業)

看杂志说吉野家最抵食又好食，openrice内食评也不错。琴晚拉埋阿妈同我去食。浓汤同泡菜汤底各一。浓汤好甜，甜到有点怪，令到所有食材都变得甜甜的，好怪。泡菜汤底好得呀，微辣，味道浓过浓汤，好似有d肉汁底；放于顶ge泡菜很惹味。三角形豆腐卜好过中式o个d好多，比较淋身，易入味，带少少甜。豆腐好滑有豆味。鲜冬菇系一流，吸尽d汤ge精华，好鲜又淋，只可惜只得两大粒。乌冬超得，不是美心或大快活那些cheap 乌冬。好烟韧好弹牙，仲系煮几耐都唔会变淋变胡，好好呀！肥牛，包装骨子过大快活多多声，用胶盒预先pack 好，新鲜。不过我o个碟就比较肥，阿妈o个碟均匀d。仲配埋碗白饭，真系饱到加零一，好抵食。加了$6要了杯椰果宾治，好清爽，劲多椰果，抵！环境都好，唔太嘈，又宽敞，坐得好舒服。服务都唔错，起码够快。食物未黎，已送上两个炉；问佢攞杯水加，又好快咁送到黎。还要一赞系个炉，好够猛，又易点燃，唔会好似大快活o个d咁点极都唔著。