Kuro Shabu (已結業)

今日特登行上嚟呢间上环文武庙附近嘅Kuro Shabu，以为呢间餐厅较为无咁就脚人客会比较少啲，点知一行到入去竟然坐满三分二，令我对今晚晚餐有好大嘅期望！凭我弱弱嘅日文估计，Shabu即系日式火锅，果不其然餐厅菜单基本只有火锅材料，不过系顶级食材！我同朋友一个叫左黑毛和牛A4一set同埋由师傅安排嘅Omakese。首先上嘅黑毛和牛由足外则肉、牛肩肉及上肩胛肉组成，师傅系面前张原块牛肉用切割机切成薄片，保证系真和牛。原汁原味嘅和牛配上清新而唔会太酸嘅柚子醋，简直系一流嘅配合！而一整晚令我最惊喜嘅一定系由师傅主理嘅Omakase！首先嚟嘅系A5黑毛和牛，啱啱食完A4已经觉得好正嘅我地一咬落去A5和牛之后发现完全系两个景界！由西冷、上肩胛肉同肋肉眼所组成嘅A5和牛拼盘，食落去好似食紧一件鲜制嘅牛油咁甘香，同时保持著牛肉片应有嘅口感，从未试过嘅感受！跟住亦有豚肉拼盘及黑萨摩鸡腿肉，鸡肉每年有一定限制嘅供应量，食到并唔系一件易事！最后亦有专有嘅和风乌冬将头先各种肉类嘅精华吸收，伴上新鲜野菜可以令吸收更加舒服。最后，餐厅特别提供抹茶雪糕作完美完结。