SHAKE SHACK (太古廣場)

营业中

休息中

shake shack burger好耐已经声名大噪，旗舰店系喺中环ifc商场平台，试过几次经过但人太多嘅关系都入唔到去，两个月之前我发觉金钟太古广场地面开咗间分店， 望落去都几大，而且人流冇咁夸张 ， 一直想揾机会去试吓。喺名店林立嘅太古广场揾平野食都唔系易㗎， shake shake 就喺戏院隔离，价钱冇咁离地 ， 真系不二之选。实际上唔使点排队，买完嘢攞牌仔揾位，唔使一阵自动铃声就叫攞餐，两个人点咗两个shake burger(1Double同1single)，薯条再加饮品200蚊都唔使，拎到手上 burger 仲系热㗎，感觉肉质 juicy 好有牛味好松化，番茄同菜都好新鲜， size唔算好大，一啖咬落去啱啱好，唔可以唔提个薯条，新鲜榨出嚟热辣辣非常松脆，一试难忘。