The Chop House (已改名) 查看

Chop house 有好几个combo系二人份量，餐牌session叫Sharing is Caring，相当有意思😊 无论家人，朋友或情侣都需要有😘我同朋友晚上叫左份slow roasted chicken & smoked baby rib。Rib整得好好👍🏻，外面唔干，肉亦好软又保留肉嘅质感。同类型嘅餐厅整依种rib通常都煮得太耐，外面干，入面熟到离晒骨，超不爽。但依家啱啱好，抵赞！相反鸡就整得太干，亦唔够味。纵使系烧鸡，但带唔出香味，真系麻麻😒！另外，朋友叫左个burger，份量比较细。朋友话肉质味道都好，burger肉亦好厚身。算合格我地仲叫左个白酒煮青口，青口唔错，好有肉带点甜。但系闻唔到酒香扑鼻，亦唔多见到有洋葱粒，而且个底嘅汁亦好少。可能系煑既时候汁太少，浸唔到青口而入唔到味。如果唔系青口本身都鲜甜，就只系好清淡嘅一个海鲜。Happy hour嘅无酒精饮品都几抵，而且味道几好！Colada 不是太甜，外面有d pub整到似药水。另一杯Cool Mint味道几清新，薄荷叶加荔枝soda，真系非常Summer feel嘅飮品。