影片
更多
2021-05-31
86 浏览
Let’s Chill~ 叹返个tea set！难得放假，但天气咁热，户外活动都要停停。 最好不过，就系喺室内叹住冷气，食住嘢，倾吓计，放松一吓心情！约咗好朋友到尖沙咀嘅Shine食下午茶，$428一个二人set。饮品一人拣一杯，都好多选择。 Strawberry Chocolate系用朱古力同新鲜士多啤梨整嘅smoothie，香浓朱古力加上新鲜士多啤梨香味，透心凉； Mix Berry Yogurt酸甜开胃又健康，口感幼滑！先食个沙律开开胃，红菜头切条增添色彩，健康又清新。金色嘅英式三层架上枱，食物排列有序，颜色配搭够吸睛。 先由底层嘅咸味小食开始：日本魔鬼蛋配黑松露三文鱼籽、巴马火腿配哈蜜瓜、烟三文鱼米饼、香煎鹅肝多士、法式咸批。 最好味系香煎鹅肝多士，香脆多士配上外层微焦嘅煎鹅肝，甘香美味。法式咸批系芝士蘑菇批亦出色 ，批皮酥脆，上面有mozzarella cheese，仲系暖㗎，nice！中层系饱肚啲嘅「秘。蜜 」（即系柚子蜜）、明太子蟹肉牛角包、原味同提子味手工松饼。牛角包入面有满满蟹肉，加埋面头明太子酱，咸香味十足。顶层系甜点：醉人提拉米苏、心软布朗尼、经典马卡龙、巴斯克芝
难得放假，但天气咁热，户外活动都要停停。 最好不过，就系喺室内叹住冷气，食住嘢，倾吓计，放松一吓心情！
约咗好朋友到尖沙咀嘅Shine食下午茶，$428一个二人set。
饮品一人拣一杯，都好多选择。 Strawberry Chocolate系用朱古力同新鲜士多啤梨整嘅smoothie，香浓朱古力加上新鲜士多啤梨香味，透心凉； Mix Berry Yogurt酸甜开胃又健康，口感幼滑！
先食个沙律开开胃，红菜头切条增添色彩，健康又清新。
金色嘅英式三层架上枱，食物排列有序，颜色配搭够吸睛。
先由底层嘅咸味小食开始：
日本魔鬼蛋配黑松露三文鱼籽、巴马火腿配哈蜜瓜、烟三文鱼米饼、香煎鹅肝多士、法式咸批。 最好味系香煎鹅肝多士，香脆多士配上外层微焦嘅煎鹅肝，甘香美味。法式咸批系芝士蘑菇批亦出色 ，批皮酥脆，上面有mozzarella cheese，仲系暖㗎，nice！
中层系饱肚啲嘅「秘。蜜 」（即系柚子蜜）、明太子蟹肉牛角包、原味同提子味手工松饼。牛角包入面有满满蟹肉，加埋面头明太子酱，咸香味十足。
顶层系甜点：
醉人提拉米苏、心软布朗尼、经典马卡龙
、巴斯克芝士蛋糕。最特别梗系近期大热嘅巴斯克芝士蛋糕，外侧焗到有焦黑，大大件，面头加上金箔做装修添！
咁快又渡过咗一个下午，开心仔！
-
张贴
