鳴虎 (北角匯二期)

营业中

休息中

星期五落一田扫完货，顺便就拣咗呢间鸣虎食个拉面。呢度有堂食坐位，以小店规模嚟讲算系座位充足，所以轻易就揾到一个有利位置，然后再出去点餐。点餐后，店员会通知客人取餐号码，请客人自己取餐。一人一碗拉面的确令人大满足。虾味噌猪骨汤拉面汤底味道浓郁。除咗有浓浓嘅猪骨汤味之外，仲有满满嘅樱花虾味道。而且仲配有8成熟嘅溏心蛋，配拉面就最夹。博多黑蒜油拉面同样有溏心蛋、紫菜、木耳丝等配料。佢嘅黑蒜油颜色唔算黑，但仍然充满蒜香。