影片
更多
2021-04-15
968 浏览
同朋友行完一日Outlet，起东荟城拣咗食PizzaExpress，贪佢环境大坐得舒服。见到有一个新嘅期间限定餐牌，系西西里主题，意大利菜食得多，又好似无起香港食过西西里地中海嘅菜式，就嗌左几款嚟试下。焗香草沙甸鱼我平时好少食沙甸鱼，但系朋友嗌咗我就试下，点知一试爱上！原来沙甸鱼加咗酱再焗又几香，它有少少洋葱辣椒，我钟意它酸酸嘅调味。少少沙甸鱼+车厘茄+香草包，夹埋一齐热辣辣咁食，好正。呢个菜式下次系一定会再嗌！西西里肉肠菠菜薄饼平时我薄饼都系食一块就觉得够，今次我同朋友竟然成个薄饼食得晒。薄饼芝士嘅香草味重，配搭西西里肉肠又几夹。最钟意嘅系佢有菠菜，令到薄饼口感多咗一份清新，食完又想食。茄子番茄宽条面呢个阔条面都几特别，片切茄子+酸酸甜甜的酸豆/车厘茄，食落好开胃，亦都发现原来车厘茄同茄子的口感好夹。仲有我劲钟意食嘅罗勒，有劲大块罗勒叶好香！跟住我哋喺主餐牌拣咗一个我哋每次嚟都必嗌嘅烤焗鸡翼，因为我觉得佢焗得好好食，鸡翼焗得啱啱好金黄色，又多汁，搭蜜糖芥末酱食一流。最后我哋一人拣咗一款甜品，朋友的朱古力心太软几靓，流心朱古力+云呢拿雪糕好好味。不过我觉得搭的山莓酱怪怪哋。我拣的Tir
焗香草沙甸鱼
我平时好少食沙甸鱼，但系朋友嗌咗我就试下，点知一试爱上！原来沙甸鱼加咗酱再焗又几香，它有少少洋葱辣椒，我钟意它酸酸嘅调味。少少沙甸鱼+车厘茄+香草包，夹埋一齐热辣辣咁食，好正。呢个菜式下次系一定会再嗌！
西西里肉肠菠菜薄饼
平时我薄饼都系食一块就觉得够，今次我同朋友竟然成个薄饼食得晒。薄饼芝士嘅香草味重，配搭西西里肉肠又几夹。最钟意嘅系佢有菠菜，令到薄饼口感多咗一份清新，食完又想食。
茄子番茄宽条面
呢个阔条面都几特别，片切茄子+酸酸甜甜的酸豆/车厘茄，食落好开胃，亦都发现原来车厘茄同茄子的口感好夹。仲有我劲钟意食嘅罗勒，有劲大块罗勒叶好香！
跟住我哋喺主餐牌拣咗一个我哋每次嚟都必嗌嘅烤焗鸡翼，因为我觉得佢焗得好好食，鸡翼焗得啱啱好金黄色，又多汁，搭蜜糖芥末酱食一流。
最后我哋一人拣咗一款甜品，朋友的朱古力心太软几靓，流心朱古力+云呢拿雪糕好好味。不过我觉得搭的山莓酱怪怪哋。
我拣的Tiramisu都好好食，我钟意佢入边质地够软滑，仲竟然有士多啤梨。
埋单每人都系二百几蚊，但系我哋嗌嘅嘢应该够三个人食，劲饱，好抵食！因为好钟意食蕃茄同芝士，下次会再嚟食西西里菜！
张贴
