La Rotisserie (禧利街) (已結業)

呢个餐厅主打法式烧鸡，亦可以选择鸭肉。可以拣原只/半只，或者唔同既set连饮品加side dish。是日我拣左classic set: 烧鸡配3款side dish加饮品，盛惠$88。烧鸡可拣鸡胸肉或鸡腿，咁我当然系拣鸡腿，不过最尾俾左一件鸡胸加一件鸡腿。香味十足，不过就有少少㶶，亦嫌有d干，唔够juicy。但side dish就值得一赞，有约8款冻盘及8款热盘，任拣3款，包括杂菜沙律/藜麦沙律/薯仔沙律/薯角/薯蓉/炒三色椒等。我最钟意食薯仔，拣晒3款薯仔款，个外国厨师仲笑我”potato buffet?”薯角不过不失，同平时餐厅既差唔多；薯仔沙律就放左好多材料，有烟肉粒/香草等，口感十足，层次丰富；薯蓉就最惊喜，睇样好似平平无奇，但食落啖啖忌廉奶香，亦有香料作调味，质地亦好滑好creamy，必食推介！饮品方面可以拣汤或者冻柠茶(加糖/无糖)，我拣左无糖，真系无咩味建议拣有糖会比较好。