影片
更多
2007-05-02
1 浏览
30-4-2007 1948都有一段好长时间冇同食友一齐家常便饭，加上明日又系假期，放工后拿拿声换衫黎，地点在大马路一条，冇难度。到达时只见「英文聆听之王」忙紧工事，我就环顾四周，绝对是一般酒楼的格局及服务水准。点菜由主持人负责，一行15人连久未露面的「资料库」亦好似我咁上晒水。我地共叫了9样菜式，平时应该系double计，不计好味与否，食系其次，增进大家友谊及感情重要过一切。未食野先黎半打啤酒，平平地叫10蚊3枝燕京啤酒，等左好耐都未有，叫待应追一追单，佢就有少少悔气说好多野要跟，预左黎就预左有咁既回应，啤酒味稍为淡些少，亦冇可能好有expectation。唔知系唔系惊左我地，今转及加码时，佢地放左系「606及610」后面都唔出声。菜式陆陆续续上台，第1味是预订兼几乎绝迹的怀旧菜鸭掌包，又叫鸭脚包，材料有鸭掌、鹅肠、叉烧、鸡肝，材料已是预先整熟，用鹅肠包住其他材料，然后加上加左料既叉烧酱腌制，再啰去烧，味道我觉得可以再浓些少，毕竟唔系话食到就食到，也算是满意之作；第2味是打孖上既冬瓜盅汤，配料有冬菇及菜头等等，味道清新，适合温暖及炎热的天气饮，自己也少有的饮了两碗。第3味是老少平安，
都有一段好长时间冇同食友一齐家常便饭，加上明日又系假期，放工后拿拿声换衫黎，地点在大马路一条，冇难度。到达时只见「英文聆听之王」忙紧工事，我就环顾四周，绝对是一般酒楼的格局及服务水准。
点菜由主持人负责，一行15人连久未露面的「资料库」亦好似我咁上晒水。我地共叫了9样菜式，平时应该系double计，不计好味与否，食系其次，增进大家友谊及感情重要过一切。
未食野先黎半打啤酒，平平地叫10蚊3枝燕京啤酒，等左好耐都未有，叫待应追一追单，佢就有少少悔气说好多野要跟，预左黎就预左有咁既回应，啤酒味稍为淡些少，亦冇可能好有expectation。唔知系唔系惊左我地，今转及加码时，佢地放左系「606及610」后面都唔出声。
菜式陆陆续续上台，第1味是预订兼几乎绝迹的怀旧菜鸭掌包，又叫鸭脚包，材料有鸭掌、鹅肠、叉烧、鸡肝，材料已是预先整熟，用鹅肠包住其他材料，然后加上加左料既叉烧酱腌制，再啰去烧，味道我觉得可以再浓些少，毕竟唔系话食到就食到，也算是满意之作；第2味是打孖上既冬瓜盅汤，配料有冬菇及菜头等等，味道清新，适合温暖及炎热的天气饮，自己也少有的饮了两碗。第3味是老少平安，亦即是豆腐蒸鲮鱼肉，继冬瓜盅汤的一味清淡可口的菜式，如用高身碟蒸，大太旧入口更佳；第4味是去饮指定菜式之一：炸蟹拑，炸得好热，里面还有少少虾味，点少少醋减少热气。第5味是另一味怀旧菜：富贵龙凤球，龙即是虾，凤便是鸡肝，虾开边后，包著鸡肝，然后贴少少生粉去炸，而个汁系沙律汁，里面加了柠檬汁，我觉得几酸，但好醒胃，而富贵既意思系伴碟的西兰花。
第6味系蛋白炒鱼肚，佢炒得刚刚好，唔会太老，鱼肚少左的，食到最尾先有；第7味亦系怀旧菜之一的代表：御厨鸡，将糯米等材料包入去鸡项里，上色后攞去炸，鸡本身唔肥，里面的材料少少湿得来亦唔肥，亦是食得过的菜式；尾二一味是虾仁炒蛋，蛋炒得刚刚熟，亦唔会俾人还有蛋王汁留系面上，至于虾仁，唔够其他食友快，以至冇得食，唔紧要，最紧要happy；最后上场便是花胶筒扒生菜，汁主要是蚝油打底，蚝油够味及唔会一味得个咸字，不错。
同场加映白饭数碗，亦少有食两碗，待应的服务由头开始时唔掂，到埋尾时的中规中矩。从第1次出来至而家的聚会一定唔够你地多，但叫白饭对自己来讲亦是第1次。埋单每位150蚊。菜式味道及卖相不算突出，平凡中显见平淡。如不是为现在及将来两餐(工作)，或者还要死硬派般要求多花款及好味的你追我逐形式，甚至要人头落地/赶尽杀绝，千其唔好黎，一定令到阁下大失所望，毕竟好多人连两餐都得不到温饱，俾你得到最后为又要恨恨地付出代价，值得吗？
张贴
