Simplylife Bakery Cafe

营业中

休息中

今日去咗simplylife食lunch。我哋一行六人 点左4个set lunch因为有一个系bb仔。Simplylife嘅装修就真系好舒服 。简约嘅西式风格 ，厨房同整面包都系open kitchen形式， 只系用玻璃间隔 完全可以睇到里面点样运作。餐厅亦都系四面都系落地玻璃 一边食嘢一边睇到外面嘅景色好舒服。第一道菜系鲈鱼南瓜饭，有啲似risotto嘅煮法 有啲汁几好食。旧鲈鱼煎得好香又啱啱好熟， 好味。第二度菜系鸡扒汉堡， 但系块鸡扒呢就比较干冇肉汁。第三道菜系all day breakfast。味道系ok嘅个蛋都炒得几滑嘟嘟，分量好足。第四道菜系杂菌阔面，我觉得味道有啲”寡”，面比较硬。佢哋𠮶度有种饮品叫冰茶，其实就系普通嘅冻柠茶唔要柠檬换咗两旧橙落去。比出面嘅冻柠茶甜少少同埋唔“涩”，但系味道系几特别几好饮嘅。喜欢食西餐嘅朋友simplylife系个唔错嘅选择。 但系佢哋系冇book枱嘅，你要去𠮶度食嘢一定要walk-in。