巷仔見麵館 (已結業)

「巷仔见」系位于中环既大家乐快餐裹面既「店中店」，从格局已可知道应该系该集团想小试牛刀，睇下「Full Service」、近似泰兴既商业模式可否杀出一条血路。腊味四宝煲仔饭（$64)：整体质素唔错，饭完全冇痴底，但口感较硬比较难消化，呢度亦都唔见平时煲仔饭既饭焦，有少少失色。配料好似腊肠、排骨等等全部都好入味，算系不过不失。菠萝咕噜肉菜饭（$69)：咕噜肉个汁非常之开胃，菠萝、青椒等等既配料亦都好足，不过要批评既系D咕噜肉好似细粒左D，size方面好似台式既盐酥鸡，有D「到喉唔到肺」！菜饭方面一般啦，可能平时食得大家乐多，感觉好快餐既感觉！煎酿三宝（半价$9)：原价$18，因跟餐加既所以只收半价$9。虽然有六旧好似好多咁，但D鱼肉酿到纸咁薄，一贯大家乐集团style，不过咁既价钱就算佢啦！总括黎讲，呢个价钱喺中环都有好多选择，如果佢想「小试牛刀」，可以考虑唔好开喺大家乐快餐裹面，有自己舖就自不然可以「飞甩老土」去闯一片天空！