影片
更多
2024-07-10
1481 浏览
咁样招呼生客永远不会变熟客1.由book位开始，男职员A电话应对，颇为高姿态，我问有冇房，或者好啲的位置不想嘈到其他客人，佢答房要9000，算，仲话本来要收Deposit，不过今次免你啦，语气益咗你咁样样2.食物整体算唔错，配合返个价钱，中规中矩，但系个汤稀𠮶啲，鹅肝做得好，澳牛扒唔值+$60，芝士拼盘饼干唔够，其他佐酒小吃份量少质素过得去3.头两支开瓶费免收，第三支开始要$100，no comments 4.食牛真搞笑，只有法芥没有英式芥辣，我问职员B佢话要开粉捞英芥好麻烦，算5.根本成晚得四五台客最大枱我哋张枱，被安排坐近厕所，算，我哋人多会嘈啲，所以先至想要房啫6.职员B问我哋last order仲有冇嘢叫？答佢冇，跟住就水都冇杯，大家冇晒水先至斟一次咁多。7.登登登登！最气愤系完全skip咗咖啡茶冇问我哋，因为大家挂住饮红酒都忘记咗，系我错！第二朝早share返啲相俾同事先发现Menu最底有行字coffee or Tea!不大甘心打电话去餐厅又系职员A，佢竟然答我咪问咗你哋要唔要Last 柯打啰！你哋冇话要咖啡茶㖞，OMG ，我即刻串佢茶记都会问饮咩餐茶啦，佢就话或者下次你哋嚟
1.由book位开始，男职员A电话应对，颇为高姿态，我问有冇房，或者好啲的位置不想嘈到其他客人，佢答房要9000，算，仲话本来要收Deposit，不过今次免你啦，语气益咗你咁样样
2.食物整体算唔错，配合返个价钱，中规中矩，但系个汤稀𠮶啲，鹅肝做得好，澳牛扒唔值+$60，芝士拼盘饼干唔够，其他佐酒小吃份量少质素过得去
3.头两支开瓶费免收，第三支开始要$100，no comments
4.食牛真搞笑，只有法芥没有英式芥辣，我问职员B佢话要开粉捞英芥好麻烦，算
5.根本成晚得四五台客最大枱我哋张枱，被安排坐近厕所，算，我哋人多会嘈啲，所以先至想要房啫
6.职员B问我哋last order仲有冇嘢叫？答佢冇，跟住就水都冇杯，大家冇晒水先至斟一次咁多。
7.登登登登！最气愤系完全skip咗咖啡茶冇问我哋，因为大家挂住饮红酒都忘记咗，系我错！第二朝早share返啲相俾同事先发现Menu最底有行字coffee or Tea!
不大甘心打电话去餐厅又系职员A，佢竟然答我咪问咗你哋要唔要Last 柯打啰！你哋冇话要咖啡茶㖞，OMG ，我即刻串佢茶记都会问饮咩餐茶啦，佢就话或者下次你哋嚟，送啲甜品俾你哋啰！跟住我极度不满窒咗佢几句，佢嘅说话态度就系：点呀？仲想R咩啊？咁样。
佢冇讲出口，但系令到你无法再讲落去！佢唔去做客服嘥晒啦，令到啲客人觉得自己好乞儿咁！算！收线，冇下次，就算比我饮返𠮶七杯茶我都唔会嚟啰
讲返间餐厅装修系几好，情调唔错。但系个黑厕热到呕，完全冇空气
食饭期间职员A全程冷漠的态度，又黑面，零招呼，感觉好似睇唔起啲客咁样样。反观职员B态度尚可，serves 嘢拎嘢乜都系佢做晒。
心谂，正常高档小小既西餐侍应都会问吓你啲食物O唔OK，完全冇啰，整体招呼系茶记咁上下。怀疑呢间嘢可以生存几耐呢？
可能职员A系老细，真心觉得佢态度嚣张，可能看不起我们，但真金白银来吃饭，点解唔俾餐茶仲要屈我哋last order 冇叫，认真嬲，枉我老细仲俾咗$100贴士俾佢，我同同事们讲返餐茶呢件事，佢哋都话唔会再嚟亦不会介绍朋友嚟！
唔系𠮶杯茶嘅钱问题，完全系反映香港餐饮业态度嘅问题，所以执笠唔好怪人，学李根兴话斋，生意唔好检讨吓啦😤浪费咗咁好嘅场地同埋有心做食物嘅师傅
张贴
