影片
更多
2016-10-07
2038 浏览
香港好多大厦都有名有姓，但弥敦道726就真喺得门牌，无大厦名，所以，印象有啲深，而此处非第一次嚟，之前曾到访过7楼嘅乐农及18楼嘅Doux，今次攀到顶楼嘅SKY726，一尝其周末早午餐，讲到依度，就知店名来由喇。一出电梯就喺餐厅，餐厅占大厦全层，当然最正喺左边窗口位啦，虽然只喺市内楼景，但感觉广阔开扬，加上喺大厦顶楼，望出去处处都喺人家嘅天台，有种居高临下嘅感觉。而用餐区设置晌以中间为酒吧嘅四周，右边有少少高脚枱櫈，以饮酒嘅格局为本，其他枱櫈则以用餐为本。水泥地，灰与黑作主色调，墙身、唔同角落都有唔少喷画，装修更显型格。我哋本来打算嚟简简单单食个午餐，原来，餐厅逢星期六、日喺做紧个Weekend Brunch，以Course1,2 3自由组合，定价为$148-$238 +10%，大可因应自己食量作取舍，例表如下：Course 1 + 2：$148Course 1 + 3：$188Course 2 + 3：$198Course 1 + 2 + 3：$238另包甜点及基本餐饮，亦可额外加钱升级其他餐饮。结果，我哋选咗2+3（$198）及1+2+3（$238）组合。Course 1有两个选择
一出电梯就喺餐厅，餐厅占大厦全层，当然最正喺左边窗口位啦，虽然只喺市内楼景，但感觉广阔开扬，加上喺大厦顶楼，望出去处处都喺人家嘅天台，有种居高临下嘅感觉。
而用餐区设置晌以中间为酒吧嘅四周，右边有少少高脚枱櫈，以饮酒嘅格局为本，其他枱櫈则以用餐为本。水泥地，灰与黑作主色调，墙身、唔同角落都有唔少喷画，装修更显型格。
我哋本来打算嚟简简单单食个午餐，原来，餐厅逢星期六、日喺做紧个Weekend Brunch，以Course1,2 3自由组合，定价为$148-$238 +10%，大可因应自己食量作取舍，例表如下：Course 1 + 2：$148
Course 1 + 3：$188
Course 2 + 3：$198
Course 1 + 2 + 3：$238
另包甜点及基本餐饮，亦可额外加钱升级其他餐饮。结果，我哋选咗2+3（$198）及1+2+3（$238）组合。
Course 1有两个选择，一喺就是日餐汤加杂菜沙律，一喺就鲜杂果沙律，可以睇为头盘类。
是日餐汤、杂菜沙律原来除咗汤及沙律，仲有一个小谷麦包。南瓜汤睇起嚟唔错，滔起一羹质感感觉杰身咗少许，但入口不失柔滑，南瓜味颇突出。
小谷麦包微微暖，包身非常松软，配上油醋，简单衬一衬就可以喇。
杂菜沙律只喺混入橄榄油嘅沙律菜及干蕃茄，算唔得话好精彩，但清新富田园气息，用嚟开开胃已足够。
Course 2有三个选择，分别喺杂莓酱窝夫黑松露炒蛋及宾尼迪蛋，依几个选择有少少难形容喺咩分类。
杂莓酱窝夫窝夫卖相虽然简单，但下了唔少鲜果酱，食得出喺新鲜制。窝夫做得唔错，烘得脆口，内里却仍然软熟，只喺略嫌有少少烘过火，混上鲜果酱及忌廉，酸爽不俗。
宾尼迪蛋除少许沙律菜伴碟，仲垫有松饼及烟火腿，涨卜卜嘅水煮蛋淋上橙黄色嘅荷兰汁，外观就做得好吸引喇。手起刀落，蛋浆即时涌出，沟匀荷兰汁，夹埋松饼、烟火腿一齐食，味道先喺酸酸甜甜，跟住有烟火腿嘅咸香，好有层次感。
宾尼迪蛋
34 浏览
1 赞好
0 留言
Course 3可以称为主菜类，共有6款选择，分别喺全日早餐、汉堡、长通粉、意大利面、比目鱼及西冷，不过最后两者需另加$30。
卡邦尼长通粉依家食卡邦尼有时喺加埋水煮蛋，有啲则无蛋版本，小弟无考究边个版本先喺正宗，不过，个人就较钟意有蛋嘅版本。个长通粉口感烟韧挂满汁，卡邦尼汁质感浓稠，内里又有唔少烟肉及菇菌，整体好食。
香煎比目鱼配柠檬牛油汁 +$30另一道主菜要咗比目鱼，伴菜有法边豆、焗串茄及炸薯角。比目鱼柳煎得外皮香脆、鱼肉滑溜，柠檬牛油汁好匹配个鱼柳，清新带香气；啲法边豆唔喺就咁白烚，喺蒜蓉炒，串茄亦焗过，可见啲细节位都有花过唔少心思。
香煎比目鱼配柠檬牛油汁
45 浏览
1 赞好
0 留言
蓝莓芝士饼甜品虽然唔喺咩特色嘢，只喺蓝莓芝士饼，但已做到应有水准，红色士多啤梨浆划花垫底，以士多啤梨及蓝莓做装饰，卖相已交足基本功课；薄薄嘅消化饼底，浓郁嘅芝士糕心，鲜活嘅蓝莓果蓉，咸与酸嘅融和，识食嘅话，一定食得出当中嘅水准。
Cafe Latte +$15食甜点，还是衬杯鲜奶咖啡最合心水，不过，奶泡打得好多泡，所以，拉花都难以拉得细致，而口感较似意大利泡沫咖啡多过鲜奶咖啡，因为奶泡真喺好厚，未能饮出细腻绵密嘅口感，还好咖啡嘅香醇味唔差。
Chamomile +$10友人要嘅洋甘菊反而有少少惊喜，一款名叫Mighty Leaf品牌嘅茶包，睇落并非普通嘢，茶袋内加入少少橙皮，所以，味道有少少酸及橙香，不过，个人就觉得洋甘菊嘅茶味薄咗啲。
今次午餐食得好丰富，晌秋日暖阳之下，晒入嚟嘅阳光唔太刺眼，仍有些微暖意，感觉非常悠闲舒服，一顿佳美嘅午餐，除咗食物好，环境舒适自在亦喺好重要。
张贴
