OK德海南雞專門店 (新都城中心) (已結業)

今日晏昼入宝琳踩单车，踩完饿饿哋就过咗新都城中心𠮶边揾嘢食。行完一转商场都冇咩啱心水，但又唔想咁颓食连锁式快餐店，于是就怀住失望嘅心情离开。点知走嘅时候见到地铺有间装潢唔错嘅餐厅，仲传嚟一阵油饭嘅香味，饥肠辘辘嘅我就当然条件反射咁行咗入去。入到去坐低就梗系要叫返个海南鸡医肚，伙计都好快手将碟热辣辣嘅海南鸡送上我面前。老实讲第一眼望到碟饭有少少惊讶，冇谂过份量咁足，用嚟医肚真系啱啱好。味道方面真系唔错，啲鸡够滑、油饭够香，而𠮶3个酱汁亦都各有风味。估唔到而家仲会有性价比咁高嘅餐厅，会推介畀其他朋友嚟试！