Sky House (已結業)

嚟到荃湾福来邨，呢次放弃成日去嘅宝星，试咗附近嘅Sky House。 其实佢开咗成年多，不过同其他餐厅比，确系比较新嘅一间。 楼底非常非常非常高。 其中一面墙油咗黑色，另一边就系鲜粉红色。 当日不时落雨，人流唔多，感觉都几悠闲。 酒精类餐牌嘅封面好靓。 午餐由五十几到九十几不等，同埋无加一服务费。 薄荷青柠梳打，薄荷味道较青柠突出，甜度唔高，同行朋友话几啱心水。 综合鲜果汁，可以晌六款指定生果之中拣三款，我试咗苹果、红莓同菠萝，酸味都几天然。 田园沙律，豆苗、车厘茄同杂菜配酸酸甜甜嘅酱汁，餐前食多啲蔬菜，感觉都健康啲。 杂菜汤，汤内除有常见嘅番茄、椰菜、马铃薯、胡萝卜、西芹同洋葱外，仲有啲折断咗嘅意粉，佢啲味较轻，系蔬菜够多。 澳洲西冷扒配红酒烧汁及薯菜，西冷扒比朋友拣嘅五成熟较熟，食落松化，只系某啲筋位较韧。 酱烧猪小腿配薯菜，猪小腿表面沾有甜甜嘅酱汁，并洒上辣粉调味。伴碟嘅薯菜有椰菜、胡萝卜、翠玉瓜、四季豆、鸡脾菇同炸薯角，对女仔嚟讲，食吓食吓都几饱肚。想食宇治抹茶芝士蛋糕，可惜当日无供应，于是试咗原味芝士蛋糕。细细件，饼身扎实，质感滑溜，旁边嘅鲜蓝莓同芒果酱有中和作用。走𠮶阵仲拎