Moment By Moment

营业中

休息中

上文提要一吓，由于同啲啲旧同事游走西、上、中环一带睇睇「HKWalls」新一批大型壁画，顺道嚟埋「元创方」参观，并趁小休一会，就晌「Moment by Moment」打打趸，食啲小食。 餐厅有室内同室外，话室外啫，其实喺「元创方」啲巨型走廊，睇相你就知，大到可以摆几张枱。 虽然小店一家，但其实食物都有几多选择，餐牌中嘅食物都喺全日供应，有轻怡嘅，有饱肚嘅，仲有好多款式窝夫同牛角窝夫，饮品亦有好多选择，我就唔详细讲啦，反正餐牌都贴咗出嚟俾大家参考。 比利时窝夫 $42有唔同尺寸选择，我哋要咗一口一件𠮶款，一客有4粒，可以配唔同嘅酱料。窝夫喺即叫即做，新鲜制作，所以都要等10到15分钟，原本都谂住入口会喺热焫焫，但食落又唔似，微暖，虽然外层唔算好脆口，但里面都好软绵、绵密，唔会得阵风咁。最正喺配个热情果酱，酸酸甜甜，好醒神。 过完口瘾，又出发去下一站，继续揾壁画，同埋过去「大馆」参观。