So Bali Bali Indonesian Restaurant + Bar (已結業)

晚饭时间，人在苏豪区，没有西餐同日餐的意欲，荡下荡下见到呢到食印菜，又黎试试。沙嗲，肉烧得干身，对我黎讲都算好干下，不过酱汁出色，有几香花生味，都几唔错。烧原条鱿鱼，鱿鱼软腍腍，系新鲜野，正常既爽口，配上甜甜地既酱汁黎烧，系几好食。咖哩软壳蟹，稀稀地既咖哩汁，不过食落系两回事，唔系水水地果d冒充货，除左咖哩味，仲有其他香料味，个味几特别。软壳蟹都唔错，系东南亚餐厅食炸野普遍系有信心既。薄饼要黎配咖喱，够松软够热，好食。未系饮酒既时候，要杯芒果汁，无咩芒果味同几甜下，下次都系饮返啤酒好了。食物都几好食，特别系个烧鱿鱼。